NAPILI ang Fil-Canadian nga si Sean Anthony isip labing unang PBA Press Corps Player of the Week alang sa Philippine Cup human kini nakarehistro og dagkong mga numero sa maayong pagsugod sa NorthPort Batang Pier sa komperensya.
Ang 6’4” nga magduduwa nag-average og 20.5 puntos, 7.0 rebounds, 5.0 assists ug 4.0 steals sa sunodsunod nga kadaugan sa Batang Pier batok sa Blackwater Elite ug NLEX Road Warriors.
Si Anthony nimugna og 19 puntos sa kadaugan sa Batang Pier batok sa Elite, 117-91, niadtonmg Enero 16.
Unya niadtong Dominggo, ang 6th overall pick niadtong 2010 nipupo og 22 puntos sa kadaugan sa Batang Pier batok sa Road Warriors, 95-90.
“We know Sean, laban lang ng laban,” matod ni NorthPort coach Pido Jarencio sa interbyu sa Spin.ph.
“Sixth man nga namin, pero nag-deliver, nag-double double, tapos ‘yung hustle di tumitigil.”
Sa laing duwa niadtong Dominggo, gipanghubog sa San Miguel Beermen ang Brgy. Ginebra Gin Kings, 99-91. (ESL)