Jumpshot ni Rose mipasawop sa sun

NAPASULOD ni Derrick Rose ang iyang 18-foot jumper sa nahabiling 0.9 segundos aron agakon ang Minnesota Timberwolves ngadto sa kadaugan batok sa Phoenix Suns, 116-114, kagahapon sa National Basketball Association (NBA).

Apan sa wala pa niya napasulod ang iyang nakapadaog nga puntos, ang kanhi MVP napungot una sa iyang kaugalingon human niya nasipyat ang premiro sa iyang duha ka freethrows sa nahabiling 30 ka mga segundos nga magpalabaw unta sa Timberwolves.

“I kept saying, ‘You’re going to get another shot,’” matod sa laing pambato sa Timberwolves nga si Taj Gibson ngadto kang Rose.

Paglabay sa 29 ka mga segundos, nahitabo ang pagtuo ni Gibson.

Gipasabot ni Gibson, kinsa dugay nang kauban ni Rose gikan pa sa Chicago Bulls, nga nagkinahanglan si Rose og sama niini nga puntos aron hingpit nga mahibalik ang pagsalig niini sa kaugalingon.

“He needed that shot, you know what I’m saying? He’s been putting in so much work in, we’ve been in that situation a couple times this year and it didn’t go his way,” dugang ni Gibson.

Bugnaw pa ang duwa ni Rose sa sayong bahin ug igo lang kini nakahimo og duha ka mga puntos human sa halftime.

Apan pagsugod sa 3rd quarter, hinayhinay nang nanginit ang mga kamot ni Rose ug nakadugang kini’g 29 puntos sa 2nd half aron pangulohan ang kadaugan.

“I missed a lot. It was all up to my teammates and the coaches for giving me that confidence, putting the ball in my hands and just believing in me,” matod ni Rose.

CLIPPERS 103, SPURS 95

Sa San Antonio, nagpakatap og 27 puntos si Tobias Harris aron agakon ang Los Angeles Clippers sa kadaugan batok sa host Spurs.

Nidugang og 18 puntos matag usa sila si Patrick Beverly ug Montrezl Harrell samtang niamot og 15 puntos si Avery Bradley had 15.

Ang Spurs gipangulohan ni LaMarcus Aldridge pinaagi sa iyang 30 puntos ug 14 rebounds.

Usa sa dakong hinungdan sa kapildihan sa Spurs mao ang ilang 18 ka turnovers.

PACERS 120, HORNETS 95

Sa Indianapolis, gipanglampornas sa host Indiana Pacers ang Charlotte Hornets.

Gipangulohan ni Victor Olapido ang kadaugan pinaagi sa iyang 21 puntos samtang niamot og 19 puntos si Darren Collison.

Ang Hornets gipangulohan ni Kemba Walker pinaagi sa iyang 23 puntos. (AP, ESL)