GIPUPO ni Billy Joel Sarno ang titulo sa 3rd Ateneo de Davao University (AdDU) Rapid Individual Chess Tournament gihimo niadtong Dominggo, Enero 20, sa Addu Jacinto conference room.
Ang second-seeded nga si Sarno miani og 5.5 puntos sa six-round Swiss System format nga kompetisyon. Iyang nadawat ang tropeyo ug ganting salapi nga P1,200.
Samtang si Jude Nathaniel Enoc mipukan sa iyang susamang five-pointers top-seeded Gino Angelo Asuncion ug third-seeded Ralph Miguel Reyes pinaagi sa pagdaug sa tiebreaks aron nga mahiluna sa ikaduha. Sila si Enoc ug Asuncion midawat og P800 ug P500 sa maong han-ay.
Mokompleto sa unang 10, mao sila 4.5 scorers James Catayas, Ryan Gabriel Rasay ug Michael Cuamag, apil na ang four-pointers nga sila si Deanjann Piloton, Caerel Shane Mantilla ug Juan Ryu Bagonoc.
Si Mantilla midaug isip best female sa chessfest nga gidumala ni Ariel Niño Aton. (MLSA)