UBAY-UBAY nga mga armas ang nakuha sa mga sakop sa 67th Infantry Battalion human nahitabo ang engkwentro Sabado sa buntag didto sa Sitio Bitangon, Brgy. Aliwagwag, Cateel Davao Oriental.
Sa report nga gipadala ni Lt. Col. Jake Obligado ang Commander sa 67th Infantry Battalion gibutyag niini nga ang mga sakop sa iyang batalyon, sa pagpanguna ni 1Lt. Al Bryan Villanueva naka-engkwentro ang mokabat ngadto sa 20 ka mga sakop sa New People's Army (NPA) ilalom sa Guerrilla Front 25.
Milungtad sa 40-minutos ang engkwentro diin nagkatibulaag ang mga rebelde sa nagkadaiyang direksyon.
Narekober sa kasundalohan ang tulo ka AK 47, duha ka M16, upat ka landmine duha ka cellphone ug mga tambal nga nakasulod sa bag.
Walay nasamdan sa tropa sa gobyerno samtang dili pa madetermina sa kabahin sa mga rebelde.
Gibutyag ni Obligado nga magpadayon ang ilang operasyon batok sa mga rebelde aron maseguro nga maproteksyonan ang katawhan sa ilang ginsakupan. (Richy F. Nalagon)