NADAKPAN ang usa ka barbero atol sa gipahigayon nga drug bust sa San Pedro Police Station Sabado sa hapon didto sa Purok 14, Barangay 76-A, Bucana, Davao City.
Gilla sa San Pedro PNP ang dinakpan nga usa ka alyas Benjie, 36-anyos, usa ka barbero ug residente sa maong lugar.
Nakuha kaniya ang dose ka pakite sa gituohang shabu nga dunay street value nga P15,000 ingon man marijuana nga nagkantidad ug P200.
Sumala sa suspek nga wa pa siya makontento sa iyang kinitaan isip barbero butang nga misulod siya sa maong ilegal nga buhat.
Kasong pagsupak sa Republic Act 9165 kon Comprehensive Dangerous Drug Act of 2002 ang ipasaka nga kaso batok sa suspek didto sa korte. (Richy F. Nalagon)