GIANGKON ni Konsehal Dave Tumulak, executive committee chairman sa Sinulog Foundation Incorporated, nga tinuod wa na ma-control ang mga tawo atol sa Sinulog Grand Parade habig sa barangay Carreta paingon sa Fuente Osmeña gumikan sa pagdagsa sa daghang mga tawo.
Nisamot kini pagbundak sa ulan sayo sa kahapunon sanglit ang mga tawo nag-iyahay og pangita og kapasilungan aron di maasa.
“Naay daghan pulis, dili man to rowdy kaayo nga mga crowd. We should always remember nga kadto siya it’s fiesta and that Sinulog we offer that to the children. This is the first time nga grabe ang presence sa mga bata nga nakita nato,” paghulagway ni Tumulak.
“Generally sa tibuok Sinulog, mas-peaceful karon with the presence sa atong law enforcement agency," dugang sa konsehal. (PAC)