Amang mirumbo sa Luzon; mga barko gipalarga na

NAGPAINGON sa Southern Luzon ang bagyong Amang hinungdan nga gilibkas na sa Philippine Atmospheric Geophysical and Astronomical Sciences Administration (Pagasa) ang tropical cyclone warning signal number sa Northern Cebu ug Eastern Bohol.

Sa sinugdanan, ang Philippine Coast Guard (PCG) Central Visayas ni-report nga dunay 505 ka mga pasahero, 67 ka rolling cargoes, 26 ka mga barko ug 10 ka motorized bancas ang natanggong sa Sugbo ug Bohol sukad niadtong Dominggo, Enero 20, tungod sa bagyo.

Apan sa Lunes, Enero 21, gilibkas na sa PCG ang suspension human usab gilibkas na sa Pagasa ang warning signal.

Matod ni Engr. Alfredo Quiblat Jr., acting chief sa Pagasa Visayas, gilibkas nila ang storm warning signal alas 11 sa buntag pagka Lunes human nausab ang direksyon ni Amang paingon sa amihanan ug nakit-an 80 kilometros sa amihanang-silangan sa Borongan, Samar.

Si Encina niklaro nga ang Metro Cebu ug ubang mga dapit sa Bohol gikan sa Tubigon hangtod sa Tagbilaran ang wala maapil sa warning signal sa Pagasa, hinungdan nga padayon nga nakabiyahe ang mga barko human sa Sinulog.

Sa wa pa gilibkas sa Pagasa ang warning signal, ang Cebu Port Authority (CPA) nikansilar sa mga biyahe sa Yohan Cruiser paingon sa Getafe, Bohol; J and N Shipping bound sa Ubay, Bohol; mv Gloria 3 padung sa Hilongos, Leyte; ug tanang barko sa Roble Shipping padung sa Ormoc, Hilongos, Baybay ug Naval.

Ang CPA nikansilar usab sa mga biyahe sa Cokaliong padung sa Surigao, Palompon ug Maasin; Lapu-Lapu Shipping paingon sa Baybay, Leyte; Medallion Shipping padung sa Palompon ug Bato, Leyte; ug Clemer Lines paingon sa Getafe, Bohol. (SCG, EOB sa SunStar Cebu<)

Related Stories

No stories found.
SunStar Publishing Inc.
www.sunstar.com.ph