SECTIONS
Friday, April 19, 2019
SUPERBALITA CEBU

Hospital wastes gipanghipos

GISUGDAN kagahapon, Martes, Enero 22, ang pagbalhin sa mga hospital waste nga unang gireklamo sa mga lumolupyo sa may habig sa Brgy, Paknaan, Dakbayan sa Mandaue nga grabe ang kabaho nga moalisngaw, ilabi na kon mohapak ang hanging amihan.

Kay anaa lang kini sa bakante nga luna atbang sa maong parte sa barangay, ug nahimutang pa kilid sa Butuanon River.

Nakigtagbo si Mandaue City Bise Bayor Carlo Fortuna sa mga naglangkob sa solid waste management board, niadtong Lunes.

Lakip sa iyang gipakigtagbuan ang mga representante sa duha ka mga pribadong tambalanan ug sa usa ka waste collecting company ug representante sa Dept. of Environment and Natural Resources (DENR7), aron motabang sa dinalian ug insakto nga paghipos sa maong mga medical waste nga nagpasad sa bakante nga luna dapit sa may Umapad dumpsite.

Gitug-an ni Fortuna sa Superbalita Cebu nga ang Department of General Services ang nibalhin sa infectious waste ngadto sa ilang Material Recovery Facility.

Kini human na-segregate nila ang mga medical waste gikan sa solid waste.

Samtang nagpaabot nga kahatagan sa DENR og transport Permit ang Pollution Abatement Specialist Inc. (PASI) nga maoy ilang gilantawan nga makatabang sa insakto nga paghipos pinaagi sa pagda sa maong mga basura sa ilang pasilidad sa dakbayan sa Sugbo.

Ang representante sa PASI nitambong usab sa tigum.

Dugang ni Fortuna nga gilikayan nila nga posible pa nga madala kini sa tubig sa sapa, ilabi na nga nag-ulan karong panahona.

“Ang daling gibuhat sa syudad, gi-segregate ang mga di medical waste, ang infectious waste nagpabilin ra gihapon didto because the city is not competent to handle medical waste. Sa meeting, amo gisabutan karon, we will transfer the hospital waste to our MRF for the mean time aron dili na siya mabasa, sa sigeg ulan, ” gitug-an ni Fortuna.

Ang mga representante sa Chonghua ug UCMed ang nipasalig uban ang DENR nga mopatabang sa himuong inventory kon unsa nga mga klase nga medical waste, kon grabe nga infectious ba ug pila ang gidaghanon niini nga anaa nagpasad sa bakante nga luna.

Ang mogasto una ang Kagamhanan sa Dakbayan sa Mandaue, human nga gihimakak sa Davao City Environmental Care Inc, nga ila ang maong mga medical waste ug giingon nga labaw na nga di sila ang nagpasad niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!