NAG-AGHAT og mga negosyante ang award nga nasakmit sa Sangguniang Panglungsod sa tuig 2018, sa dakbayan sa Cagayan de Oro.
Ang Regional level assessment sa kategorya nga highly urbanized cities nasakmit sa dakbayan ang Outstanding Sanggunian sa tuig 2018 local legislative award.
Gibutyag ni Kagawad George Goking, tsirman sa komitiba sa Trade and commerce nga dako kaayo ang tabang niini sa dakbayan.
“Mas daghan mo sulod kay ang mga investor before coming to a place mangutana na sila kung makita na nila mga konseho ga-away-away, gapatyanay kinsa man mosulod?” matud ni Goking.
Kini tungod na usab sa pagkahiusa sa 18th council sa pagpangulo na usab ni Vice Mayor Kikang Uy ug sa mga konseho, diin ang gihuna-huna mao lamang ang pagduso og mga ordinansa alang sa katawhan.
“Ang basis ana kanang mga ordinansa ug resolutions kung pabor sa katawhan dako kaayo na og impact, dako kaayo og tabang, daghan ang investment mosulod kay nagkahiusa, number 1 ang council, ang executive dako kaayo og award, makita nila safe ang mosulod sa siyudad kay DILG( Department of Interior and Local Government) di biya na haka-haka nga award, most competitive pa ka,” dugang ni Goking. (KCS)