4 armas sud sako gibiyaan

KIBLAWAN, Davao del Sur -- Daling gipahibawo sa mga opisyal sa barangay ang kapulisan human nabangalan ang mga armas nga gisulod og sako.

Nahitabo ang insidente sa Barangay Kibongbong, alas 2:00 sa hapon, Lunes, Enero 21.

Mismong si Barangay Kapitan Regina Lambojon maoy nipahibawo sa Kiblawan Municipal Police Station human nabangalan sa mga tanod ang mga armas nga gibilin sa bakanteng luna sa Purok 4.

Sa imbestigasyon sa kapulisan, nasayran nga ang mga armas gilangkuban og tulo ka shotgun rifle ug usa ka shotgun rifle nga adunay M203 grenade launcher.

Apil nga naa sa sulod sa sako ang upat ka magazine apan way mga bala.

Apan, wa pa masayod ang kapulisan kon kinsa ang tag-iya sa mga armas hinungdan nga padayon pa ang ilang imbestigasyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph