TALIWA sa pagbukal sa kaldero sa pulitika nakahigayon ang “Agila ”sa pakighinabi ni Mayor Aljun Diamante sa lungsod sa Tuburan, Cebu.
Matod sa mayor, mibalik siya sa Tuburan, nga iyang natawhan, human niya nakita wa matubag sa kanhi namunoan ang batakang panginahanglan sa katawhan.
Usa niini ang makasaysayanong pagpahigayon sa outreach program sa lungsod.
Sa maong programa gihimo ang pagbisita sa tanang 54 ka mga barangay ka-usa sa matag semana. Og sa pagsud sa buwan sa Oktubre himuon nang ka-duha. Kay ang usa ka tuig adunay 48 ka semana.
Gidala ni Aljun, inubanan ni Bise Mayor Danny Diamante, ang pagserbisyo ngadto sa barangay pinaagi sa pagpaduol sa katawhan.
Anaa na ang tanang panginahanglan sa katawhan. Gikan sa pagbayad sa buhis, paglukat og permit, tabang medikal sama sa libreng tambal, feeding, pagparehistro sa mga senior citizen ug uban pa.
Napalambo ang kapanginabuhian sa pagpanguma sama sa pagkahimugso sa Tuburan Coffee nga dunay gatusan ka esktarya. Pagdonar og yuta ngadto sa DepEd nga maoy gibarugan sa tulo ka mga eskuwelahan.
Si Aljun napili sa pagka presidente sa League of Municipalities of the Philippines (LMP) Cebu Chapter nga way nangahas sa pagkontra ug way gipili sa pagtabang sa lungsod maalyado o di kaalyado sa pulitika.
Gipili sab kini nga bise presidente sa LMP Visayas bisan pa man og anaa sa Partido Liberal ug iyang maayong liderato gisuportaaan sa mga mayor nga anaa sa PDP Laban.
Sa pagkakaron katapusan nang termino ni Aljun ug modagan nalang kini sa pagka bise mayor samtang si Danny nga maoy bise, ang mag-mayor.
PATAY NA ANG FISCAL
Usa ka pagbugalbugal ang gihimo sa mga kaatbang sa pulitika ni kanhi Cebu City mayor Mike Rama ug karon kandidato sa pagka bise mayor sa siyudad sa Sugbo.
Hinanggaw ug pagtungo ang gihimo sa mga tigpaluyo ni Cebu City Mayor Tomas Osmeña, nga si Rama ang mosunod human gipatay si Fiscal Mary Ann Castro, matod pa sa supporter ni Rama.
Ilang gibasihan ang streamer kaniadto nga gibutang ug gibitay sa flyover sa Basak nga anaa ang mga dagway nila ni Rama, Mayor Espinosa, Bise Mayor Ungab ug Fiscal Castro.
Sa maong mga hulagway si Rama nalang ang buhi samtang nangamatay na ang mga kauban niini sa streamers.
Usa sa mga tigpaluyo ni Rama nga nahinabi nako miakusar sa kampo nilang Tomas nga duol kini sa sindikato sa drugas kay gitumbok kini ni kanhi DOJ secretary Vetaliano Aguirre.