NAKAKOLEKTA og P610 milyones ang kagamhanan sa dakbayan sa Mandaue sa 17 ka adlaw nga one-stop-shop nga renewal sa business permit.
Sukad kini niadtong Enero 3 ning tuiga hangtud Dominggo, Enero 20.
Hinuon padayon pa ang one-stop-shop diha sa Mandaue City Sports Complex hangtud pa sa Enero 25. Apan sugod niadtog Lunes, estriktong’ gipatuman na gyud ang pagpahamtang og penalty sa mga delinquent tax payer.
Wala nay lugway pa nga gihatag ang Mandaue City treasurer’s office alang niadtong mga patigayon nga wa makapa-renew sa ilang business permit sukad sa Enero 3 hangtud niadtong Domingo.
Matod ni Atty. Regal Oliva nga ila na gyud ipatuman ang pagpahamtang og 25 porsyento nga surcharges ug dos porsyento nga interest, ug matag bulan madungagan pa gyud kini og laing tag dos porsyento sa total nga bayranan alang sa business permit.
Sud sa 17 ka adlaw nitala og 10,523 ka mga patigayon nga nagpa-renew sa nahisgutang dapit. Matud ni Oliva nga ubos ra kini og 300 sa niaging tuig.
Magpadayon pa hinuon ang one-stop shop sa sports complex sa Enero 25 ug ingon man ang pag-release sa mga probational permit.
Nakakolekta hinuon og P610 milyones ang buhatan, taas kini sa niaging tuig nga kapin sa 500 milyones pesos lang.
Ang maong koleksyon naglakip kini sa uban pang mga regulatory fees. Hinuon wa malakip niini ang real property taxes nga ang deadline, karon pang Marso 31.
arong Pebrero, magsugod og padala ang City Treasurer’s Office og notice of demand sa mga wa nakabayad sa ilang buhis.
“Most of Mandaue tax payers and business establishments are very compliant,” pagpaklaro ni Oliva. (Fe Marie Dumaboc)