Duterte mipirmag bag-ong balaod sa mga HE teachers

GIPIRMAHAN na ni Presidente Rodrigo Duterte ang balaod nga nagtugot sa mga graduwado sa Home Economics nga motudlo, base sa ilang grade levels, og subjects sa elementarya ug high school.

Si Duterte mipirma ug Republic Act (RA) 11168 diin nagpasabot nga ang mga propesyonal nga mga Pilipino ug mga espesyalista, ilabi na kadtong mga naghupot sa Home Economics, hanas ug mabungahon nga katawhan mahimo nang makatudlo sa publiko ug pribado nga eskuwelahan.

“Kini usa ka balaod sa estado, ingon nga gilakip sa ‘Enhanced Basic Education Act of 2013,’ sa pagtugot sa mga graduwado ug espesyalista sa piho nga mga natad nga adunay limitado nga lisensyado nga mga aplikante sa pagka maestra nga motudlo sa ilang espesyal nga mga hilisgutan para sa Basic Education nga level,” sigon sa balaod nga gipirmahan niadtong Enero 3.

Ubos sa RA 11168 ang tanan graduwado sa Home Economic gitugotan nga motudlo ug home economics subjects ug home economics-related technical-vocational (Tech-Voc) nga mga subject sa tanan publiko ug pribado nga mga institusyon sa tibuok nasud.

Kini nga balaod nagkinahanglan nga ang usa ka graduwado sa Home Economics kinsa nangandoy nga motudlo ug Tech-Voc nga subject sa ikaduhang ang-ang sa mga institusyon kinahanglang makakuha ug National Certificate Levels 1 ug 2 nga gikan sa Technical Education and Skills Development Authority (Tesda).

Kinahanglan makakuha usab sila og National Certificate Level 1 ug National Certificate Level 2 nga gikan sa TESDA una pa sila makatudlo sa mga subject sa Tech-Voc.

Gimandoan usab sila nga mokuha ug Licensure Examinations for Teachers (LET) sa sulod sa lima ka tuig gikan sa petsa sa pag-hire, gawas lamang nga nagtudlo sila sa part-time nga basehan.

Base sa RA 11168 nga ang mga graduwado nga amdam motudlo sa part-time nga basehan dili na kinahanglan pa mokuha ug LET.

Ang Department of Education (DepEd) ug ang Civil Service Commission, sa konsultasyon sa Tesda, kinsa mao ang gitahas nga maghimo sa mga tukma nga mga sumbanan ug mga giya, sa paglakip sa mga academic requirements ug ang mga kahanas sa pagtimbang-timbang sa mga kwalipikasyon sa Home Economics para sa technical-vocational nga mga subjects.

Sulod sa 90 ka mga adlaw gikan sa pag-epektibo sa maong bag-ohay lang nga gipirmahan nga balaod, ang DepED secretary, sa konsultasyon sa Commission on Higher Education Chairperson, ang Tesda Director General ug ang Professional Regulation Commission Chairperson, kinahanglan nga ipahayag ang gikinahanglan nga mga lagda ug ang mga regulasyon para sa pag implemantar niini.

Ang RA 11168 mapahibawo 15 ka adlaw human kini namantala sa opisyal nga Gazette or labing minus sa duha ka mantalaan.

Ang kopya sa RA 11168 gipadala sa mga Palaca Reporters niadtong Martes, Enero 22. (gikan sa Sunstar Philippines, Jolissa Mae Taboada, USJ-R Intern)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph