NAG-INUSARANG nakadaog og jackpot prize nga P239 milyones sa grand lotto 6/55 ang usa ka mananaya nga taga Cebu sa Lunes, Enero 21.
Sa opisyal nga Facebook page sa Philippine Charity Sweepstakes Office (PCSO), gibutyag ang winning combination nga 17-07-38-08-05-10 nga gikan sa SM City Cebu.
Ang lotto outlet gipanag-iya sa Lucky Circle Corporation nga naa sa groud floor sa mall.
Matod sa ahensya, ang premyo kuhaan og 20 porsyento nga buhis gumikan sa gipatuman nga TRAIN law.Mahulog nga adunay P47,840,988 makuha ang gobyerno.
Ang mananaog molimpyo na lang og Php 191,363,955. (Sunstar Philippines, Kiziah Marie T. Suello, USJ-R Intern)