SECTIONS
Thursday, April 25, 2019
SUPERBALITA CAGAYAN DE ORO

Kapolisan sa MisOr giawhag nga mahimong patas sa eleksyon

“SAMA sa akong hangyo sa previous election, the police, the army and all the women and men in uniform will hopefully be fair and will be in the middle of this coming election.”

Kini ang panawagan ni Misamis Oriental Governor Yevgeny Vincente Emano sa kapulisan sa Misamis Oriental Provincial Police Office.

Gidayeg ni Emano ang kapolisan sa lalawigan sa Misamis Oriental sa pagpangulo karon in Police Senior Superintendent Rolando Destura ug kumpiyansa sab kini nga mahatag niini ang proteksyon ug kalinaw ning padangaton ang eleksyon.

Hangyo lamang sa gobernador nga unta ang kapulisan ug kasundalohan anaa kanunay magpatilawa ug patas nga walay gidapigan.

Ning padangaton ang eleksyon ang kapolisan sa Misamis Oriental adunay kaabag nga duha ka battalion gikan sa Philippine Army, samtang 1,000 ka mga pulis kapin nakadeploy sa tibuok lalawigan sa Misamis Oriental aron maghatag og seguridad sa katawhan sa lalawigan.

Sa iyang bahin gipasalig sab ni Destura nga ihatag ang luwas nga piliay ug gipasalig nga dili mahitabo ang adunay mga pagdapig sa mga kandidato.

Gani nanawagan kini nga kung aduna man mga pagpanghasi o hulga nga madawat ang usa ka pulitiko magreport dayon sa ilang buhatan aron ila kining maaksyunan. (SVB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!