MOGAMIT ang manalipod nga kampeyon sa dakbayan sa Davao og mga batan-on sa secondary boys football team alang sa taliabot nga Davao Region Athletic Association (Davraa) Meet 2019 nga buksan sa Dominggo, Enero 27, nga mahitabo sa Davao City-University of the Philippines (UP) Sports Complex sa Tugbok District ning siyudad.
Kini maoy gibutyag ni head coach Marvin Lois Dava, kinsa mogiya og tim sa Davraa sa unang higayon, ngadto sa SunStar Davao pinaagi sa paghinabi sa teks.
Matud niya, “I think we have the youngest team in Davraa since most of our players are Grades 8 and 9. We only have one senior high player.”
Ang tim sa dakbayan gibanderahan nila Ateneo de Davao University's (Addu's) Grade 9 players Jasper Rex Lim, Raphael Cesar Balan, George Gabriel Cuevas, Zane Riznelle Garfin, Ric Simon Guinoo, Naz Rafael Angelo Pascual ug Sebastian A. Rendon; Grade 8 booters Psalm Emmanuel Loquero, Uriel Dalapo ug Ronmer Lei Paciente; ug Grade 10 player Nicholas Carlos Chavez; Southpoint School's Grade 9 player Resty Lloyd dela Cruz; Agro-Industrial Foundation College of the Philippines Grade 10 athletes Brylle Cuenca, Jericho Romero ug Joshua Romero; Emar Human and Environmental College's Frank Rubiert dela Peña (Grade 10); ug Rizal Memorial Colleges' Grade 11 student Ryan Christian Hermida.
Nasayran nga sila si Lim, Balan, Garfin, Guinoo, Cuevas, Pascual ug Rendon maoy mga miyembro sa Davraa's elementary boys football team nga midaug og bulawang medalya sa Palarong Pambansa 2016.
“So far ready na yung team. We are just focusing in correcting nalang the small details para iwas errors during the game. Everyday yung training namin and so far the team is improving everyday,” pasalig ni Dava, kinsa garbo nga gikan sa Mati City. Mitapon siya sa Ateneo niadtong Hunyo sa milabay nga tuig.
Dugang pa niya, “In my opinion we have a determined, hardworking, young and dynamic team this year and I think that is enough na mag-champion ulit ang Davao City secondary boys football this year.”
Si Dava nahimo sab nga kabahin sa coaching staff sa Laguna FC Stallions sa Philippine Football League.