SECTIONS
Sunday, April 21, 2019
SUPERBALITA CEBU

San Fernando magpabilin nga naa sa Ewas: Comelec

KON magpadayon ang mga patay sa San Fernando nga naglambigit sa mga lokal nga opisyal ug mga kandidato sa umaabot nga eleksiyon, gitumbok sa Cebu Provincial Commission on Elections (Comelec) nga magpabilin kini sa election watchlist areas.

Tulo na ka sunod-sunod nga semana nga dunay mga gipamatay nga mga prominenteng personalidad gikan sa lungsod sa San Fernando.

Tulo kanila mga kandidato sa umaabot nga eleksiyon.

Matod ni election officer Ferdinand Gujilde, tungod kay anaa na daan sa election watchlist area (Ewas) ang San Fernando, igong pagtutok ang gihatag sa Comelec ug kapulisan aron di usab modako ang kagubot o hulga.

Sigun ni Gujilde, kinahanglan og mas lawom nga pagsusi ug imbestigasyon ang motibo sa pagpatay aron dunay basehanan kon ipabilin ang San Fernando sa Ewas o isaka kini ngadto sa pagka-election hot spot, diin mapaubos na sa Comelec control.

“Definitely ma-watchlist gyud siya. Pero kon ang issue is hot spot ba gyud or Comelec control, that is still subject to validation and recommendation and further evaluation. Kay ngil-ad man gud kon ang usa ka lugar ibutang nimug’g hot spot or under Comelec control kay ngil-ad tan-awon ang iyang image ug iyang turismo maapektohan. Instill fear, dili na nuon nato matawag nga dunay kagawasan ang mga tawo nga mopili kay duna nay intimidation labi na sa mga botante,” gipasabot Gujilde.

Samtang, si Gob. Hilario Davide III naalarma sa sunod-sunod nga pagpamatay sa mga opisyal sa San Fernando.

Si Bise Gobernador Agnes Magpale niangkon nga siya nahadlok na sa iyang seguridad. (AZLG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!