SUPERBALITA CEBU

200 ka baril sa medical waste

DI mominos 200 ka baril nga medical waste ang anaa karon sa kustodiya sa lainlaing tambalanan sa dakbayan ug lalawigan sa Sugbo ang wa makolekta gumikan sa kalangay pag-isyu Environmental Management Bureau (EMB) 7 ngadto sa service providers.

Kini ang gibutyag ni Konsehal Joel Garganera, kanhi chairman sa committee on environment sa City Council human sa tigom sa mga representante sa tambalanan, clinics ug birthing centers nga iyang gitambungan.

Si Garganera nipabuhagay sa iyang kabalaka atol sa privilege speech sa niaging regular session sa konseho sanglit iyang gihulagway nga kon dili kini mahatagan og solusyon ang maong problema, mahimo kining krisis sanglit wala nay kadangpan ang mga tambalanan ug birthing centers.

Ang maong mga medical waste nagpundo sa storage facility sa maong mga pasilidad sanglit ang ilang service provider nga mao ang Pollution Abatement System Specialist, Inc. (PASSI) wala pa mahatagi og transport-storage-disposal (TSD) permit bisan kon niadto pang buwan sa Mayo sila ni-renew sanglit niadtong Hunyo 2018 ni-expire ang ilang permit.

zero operation

Si Jaz See, general manager sa PASSI niingon nga 6 na sila ka buwan nga zero operation sanglit wa pa silay TSD bisan kon naa silay permit sa paghakot sa medical waste apan di sila kalabay sa maong basura.

Matod ni See nga nireklamo na ang ilang mga kliyente sama Cebu City Medical Center, Vicente Sotto Medical Center, Visayas Community Hospital, Chong Hua-Cebu City nga ilang mga kliyente sanglit nagdasok na ang ilang medical waste sanglit way nakakolekta sa nanglabay nga mga buwan apil na ang kapin 50 ka birthing centers sa dakbayan ug lalawigan sa Sugbo.

Ang PASSI adunay 2,000 ka kilong medical waste nga average matag-adlaw apan wala na sila makakolekta sa miaging unom ka buwan hinungdan sa pagtipun-og sa hugaw sa ilang mga kliyente.

Giangkon ni See nga aduna silay violation sa miaging tuig sama sa wala nila pagbutang og label sa medical waste apan iyang gihulagway nga gikorehian nila dayon kini og nasulbad na ang maong problema.

Nanghinaot siypa nga aksyonan na sa EMB 7 ang ilang gipangayo nga TSD permit aron makalihok na sila sanglit naproblema na ang mga tambalanan, kilinika ug birthing centers sa Sugbo.

WAY KRISIS

Samtang Di mahitabo nga mag-medical waste crisis sa Sugbo, human nga aduna pay tulo ka service providers nga andam motabang sa paghipos sa mga basura sa tambalanan.

Kini ang gipahibalo ni Environment Management Bureau (EMB7) director William Cuñado, isip tubag niini kalabot sa gihimo nga privilege speech ni Garganera, Martes sa hapon, atol sa ilang sisyon kalabot sa mga nagtipun-og nga basura sa mga tambalanan.

Lakip na niini ang paghipos sa mga placenta kon inunlan, diha sa maternity clinics sa syudad sa Sugbo.

Matud ni Cuñado nga ang Sugbo, aduna pa’y tulo ka mga Bureau accredited nga Treat, Storage and Disposal (TSD) service providers, human nga gisuspenso una ang TSD sa Davao City Environmental Care Inc. (DCECI).

Laing adunay accreditation sa EMB, mao ang Aquilini Mactan Renewable Energy, Inc. (AMREI) nga anaa sa Basak, Lapu-lapu City, ang Medclean Management Solutions, Inc. (MMSI) diha sa Mandaue City ug posible su’d ning semanaha o sa sunod semana, ma-renew na pagbalik ang permit sa Pollution Abatement System Specialist, Inc. (PASSI) sa dakbayan sa Sugbo.

Gipahinumdom ni Cuñado nga ang insakto nga pag-segregate sa mga basura o pamaagi sa paghipos diha sa mga maternity clinis diha pa lang su’d sa tambalanan, ang tan-awononsa Dept. of Health, kon ipagawas na kini, diha na magsugod sa pag-monitor ang EMB.

“Ang normally nga gibuhat sa mga hospital niana, nga mag-establish gyud sila og septic tank para sa mga placenta, which is normally gitagaan sila og directive sa DOH. Ako iklaro nga our mangameent is more on the waste that is coming out from the hospital, so anything inside the hospital that will be the mandate of the Dept. of health. So dili kayo ta manghilabot sa inside. So in the case nga mogawas nana siya, that is our responsibility..,” pagpaklaro ni Cuñado ngadto sa Superbalita Cebu kagahapon..

Apan sa pagkakaron matud niya, nga matag adlaw adunay 15 tons sa mga basura gikan sa tambalanan, ug sa bag-o lang nag-operate nga service provider nga AMREI, mamahimo kini nga maka-accommodate og 75 tons kada adlaw.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph