NIKABAT sa 10,000 ka mga motorsiklo ug sakyanan ang na-impound human ang dul-an usa ka tuig gikan sa pagpatuman ni Mayor Tomas Osmeña sa executive order 034 nga nagmando sa Cebu City Traffic Operations (CCTO) sa pag-impound og 30 ka adlaw sa mga mo-counterflow sa kadalanan.
Kinadaghanan niini mao ang mga motorsiklo nga nikabat sa 8,000 kabuok, samtang ang 2,000 niini mao ang mga sakyanan sama sa auto, jeep ug uban pa.
Ang maong executive order 034 gi-implementar niadtong Pebrero 5, 2018, kini nga order lakop ang tanang klase nga reckless driving, apan mas gitaagan niini og dakong atensyon ang pag-counterflow.
Matod ni Cebu City Traffic Operations Chief, Francisco Ouano nga ang hinungdan nganong ilang gitutokan pag ayo ang counterflowing tungod kay daghanng disgrasya nga nahitabo gumikan niini.
“Ang atong gi tutokan ang kaning gyud ang counterflow kay daghan kaayong disgrasya ang nahitabo gumikan aning mga mo-counterflow,” sigon ni Ouano.
Subay niya labing minus 80 ka mga sakyanan ug motorsiklo ang ilang ma impound matag adlaw, samtang mokabat sa 300 kabuok ang ilang natala nga pinakdaghan nga na impound gumikan sa pag-counterflow sulod sa usa ka buwan.
Apan giklaro ni Ouano nga ang ilang gihimo usa ka klase nga pamaagi para makakat-on og disiplina ang mga drayber sa sakyanan.
Mibutyag siya nga dako ang nahimong tabang sa giimplementar ni Mayor Osmeña nga executive order 034 sa pag amgo sa mga drayber mahitungod sa wala nila pagtuman sa balaod sa kadalanan.
“Daghan gyud kaayong undisciplined drivers, apan gumikan aning executive 034, daghan gyud kaayong naka amgo. Tungod ani duha ra ka higayon ang natala sa among office nga second offender ang the rest mga first offender ra gyud,” sigon ni Ouano.
Dugang ni Ouano nga sukad pag sugod og implementar sa among executive order mas ni minus ang mga drayber sa sakyanan nga mo-counterflow.
Mihinubay sab siya nga aduna nala’y labing minus 30 ka mga sakyanan ug 30 ka mga motorsiklo ang nahimutang karun sa ilang impounding area sa South Road Properties (SRP) sukad sa gianunsyo ni Mayor Osmeña nga spot amnesty ngadto sa mga first offender niadtong Disyembre 13, 2018.(Kiziah Marie T. Suello, USJ-R Intern)