SECTIONS
Tuesday, August 20, 2019
SUPERBALITA CEBU

5 nasikop sa anti-drug operations sa kapulisan

TACLOBAN City- Lima ang nadakpan sa nagsunod nga mga anti drug operation sa Tacloan City diin dul-an sa P500,000 nga kantidad sa ilegal nga drugas ang nasakmit.

Matod sa Philippine Drug Enforcement Agency (PDEA) 8, alas 9:15 sa gabii sa miaging adlaw, usa ka buy bust operation ang gihimo sa Loremar Pensionne House sa Barangay 50-B, Youngfield ning dakbayan.

Nasikop ang suspek nga si Michael Vertudes, 27, tattoo artist, taga Santo Tomas, Pasig City ug laing usa ka menor de edad.

Nasakmit sa awtoridad ang duha ka mga pakete sa gituohang shabu nga mitimbang og 10 ka gramos ug dunay kantidad nga P68,000.

Nianang alas 11:50 sa samang gabii, tulo ka drug personalities ang nasikop sa mga awtoridad sa buy bust operation.

Nasikop mao sila si Tykie Alcaraz, 32; Vince Baldota, 20 ug Kenneth Acueza, 19, high value target (HVT), pulos taga Anibong, Tacloban City.

Ang buy bust operation gipahigayon sa Magsaysay Boulevard ning dakbayan diin nagtagbo ang mga suspek ug poseur buyer.

Nasakmit sa mga pulis ang lima ka pakete sa gituhoang shabu nga mitimbang og 50 gramos.Dunay market value nga P340,000.

Padayong gisusi sa PDEA ug kapulisan diin nagagikan ang suplay sa drogas nga ilang nasakmit. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph