2 batan-on naligo, nag-inom sapon

SAPON sa baybayon ang duha ka mga batan-on nga nag-inom niadotong Enero 3, sa Barangay Bonbon, dakbayan sa Cagayan de Oro.

Naka-uniporme pa ang duha nga tinun-an sa high school dihang nasapon sa Regulatory and Complaint Board (RCB) ug sa Women and Children Protection Desk sa kapulisan.

Gibutyag ni Antonio Resma Jr., secretary sa RCB ug inspectorate team leader, nga dunay mga nagpakabanang katawhan nga nitaho kanila kabahin sa duha ka mga batan-on nga nangaligo ug nag-inom sa dapit.

“Ang inspectorate team gipadala nalang nato didto kay nagreport naman sab sila nga naa’y mga minors ug didto gyud naa gyud tay na rescue nga duha ka minors. In fact diha na sila sa beach front, naligo, nag-inom, sila ra duha,” matud ni Resma.

Gidugang pa usab niini nga wala usab sila naka-isyu og notice of violation kay wala man mismo sa area sa maong beach resort.

“Mao ng wala ta naka issue og notice of violation o inspection findings sa kadto nga resort kay wala man gyud sila within the premises,” dugang niini.

Giingong gidoble ang mga pahimangno sa tinugyanan sa RCB ngadto na sa mga establistamento nga ginadili gayud ang mga menor de edad sa maong mga dapit sama sa mga resorts, lodging houses, bar, ug uban pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph