NAGPAHIMANGNO ang City Director sa Cagayan de Oro Police Office (Cocpo) sa kapulisan nga ginadili gayud ang pagsulod sa mga imnanan labaw sa tanan sa sugalan ilabi na gayud kung naka-duty ug naka-uniporme.
Gibutyag ni Police Senior Superintendent Nelson Aganon, City Director sa Cocpo, nga sukad pa kaniadto gidili na kini.
“Ever since naman bawal yan nasa rules na yan ng pulis, bawal pumasok sa sugalan, beer house, inuman, lalo na pagnaka-duty ka, naka-uniform so bawal yan,” matud ni Aganon.
Gidugang pa usab niini nga nagpaabot pa usab ang ilang buhatan kung duna na’y kamandoan diha sa pagdili sa kapulisan bisan nga wala naka-uniporme o wala naka-duty.
“Yun ang hinintay natin na specific instruction kung generally bawal ba kahit na naka civilian kasi yung pagsusugal kahit na naka civilian hindi ina-allow sa mga sugalan, kahit na naka leave kasi hindi naman matatapos ang pagpupulis mo eh kahit naka leave ka,” dugang ni Aganon.
Kini nga mando ni Presidente Rodrigo Duterte naglakip sa mga casino ug imnanan gumikan na usab sa posibilidad nga kung mahubog na mag-unay na ilabi na nga dunay mga dalang armas. (KCS)