UPAT ka mga kawani sa Mandaue City Hall ang niduso og reklamo ngadto sa buhatan sa Visayas Ombudsman batok kang Mayor Gabriel Luis ‘Luigi’ Quisumbing.
Ang mga kaso nga grave misconduct, oppression ug kalapasan sa Anti-graft and Corrupt Practices Act ang napasaka niadtong’ Nobyembre 12 sa niaging tuig.
Apan, kagahapon, Enero 24 na sila nipatim-aw sa mga sakop sa media, human nga matud sa usa sa mga reklamante nga mao si Damaso Tumulak, ang kanhi Human Resource Officer sa Mandaue City Hall nga nipagawas ang Ombudsman og kamanduan ngadto kang Quisumbing sa pagduso sa counter affidavit.
Lakip sa nipasaka og kaso mao si Andres Suson ang kanhi assistant City Engineer, Danna Jane Escalante, kanhi admin aide III sa HRMO ug Florentino Dela Paz Jr. kanhi admin assistant sa City Sports Commission.
Si Tumulak nahimo nga plantilla isip HR officer sa City Hall niadtong Enero 2016, si Suson isip assistant Engineer niadtong 2013, nahimo usab siya nga officer-in-charge sa City Engineering niadtong Jan. 2016.
Si Escalante nagsugod isip job order employee, niadtong 2011 ug na-regular niadtong 2015. Si Dela PAz anaa na karon sa ika-10 ka tuig sa iyang serbisyo.
Nag-ugat ang reklamo, human Mayo sa niaging tuig sila Tumulak ug Suson ang gitudlo nga namahala sa Umapad dumpsite taskforce, uban na kanila si Escalante ug Dela Paz.
Si Tumulak ug Suson ang nireklamo ngadto sa Civil Service niadtong Hunyo sa niaging tuig sa rason nga wala na masubay sa ilang angay nga trabaho ang gitagana kanila.
Ug bisan nga wa pa nipagawas og resolution ang Civil Service, nihimo sila Tumulak ug Suson nga pag self-restored sa ilang kaugalingon sa kanhi nila nga posisyon.
Gawas niini, lima ka bulan, matud pa nga wala sila nakadawat sa ilang mga sweldo.
Hinuon, giangkon usab nila ni Tumulak nga nadawat na nila ang maong mga sweldo karon lang bulana, human nga usa sa mamdu sa Ombudsman.
“Unlike sa uban nga mo-file sa kaso mopa- media dayon, disclose everything, kay gamiton nga propaganda, pero kini amo this is totally out of any partisan politics.. Di mi gusto maapil-apil ning politiko, mao gitago namu ni.
Pero karon, di naman gyud sad mahimo, kay sama anang wa pirmahi ang among notice of salary adjustment, nya among mga bonus, mid-year bonus. Karon timing na mao ni nagpatawag mi kay ni-issue man ang Office of the Ombudsman nga adunay unod, naay merit ang kaso, pag- evaluate sa ombudsman investigator, natagbaw siya nakita siguro naay kalapasan, mao ni- issue sya og order nga pa-submiton siya (Mayor Quisumbing) og counter affidavit,” saysay ni Tumulak.
“Usa sa mao, is nahadlok mi sa among seguridad, kay kahibaw mi among kontra daku og posisyon, karon election ban na. misamot mi og kahadlok unsa pay possible nga ilang mabuhat’, pagpasabot usab ni Escalante.
Apan sa gipagawas nga press statement sa kampo ni Quisumbing, gitug-an niini nga prerogative sa mayor ang pagtudlo kanila ngadto sa Mandaue Landfill sa Umapad.
“Damaso Tumulak, Andres Suson and Jun Dela Paz were transferred to the Mandaue Landfill in Umapad following the JICA study on the no build zone. Despite the wisdom behind the transfer, which is a prerogative of the mayor, they appealed the matter to the civil service. Per rules upon appeal the order to transfer is held,” tipik sa press release.
Sa gipadala usab nga text message ni Quisumbing gitataw niini nga na-resolbar na ang kaso nga gipasaka diha sa Ombudsman ug nga nahatag na kanila ang na-pending nga sweldo, bisan pa man kon giingong’ matulog lang kini diha sa ilang pagpanarbaho.
“As the three of them have a reputation of sleeping on the job. First, I congratulate them for staying awake long enough to hold a press conference months after they filed this case. However, had they been awake and alert they would have noticed that the Ombudsman has already closed this matter. They have been receiving salaries sans output, and while sleeping on the job, we have the documents to prove it. I advise them to work for the betterment of the people of Mandaue and not for their own interests and that of their amo,” tipik sa text message ni Quisumbing.