NIABOT sa 245.5 ka kilo sa mga hospital waste ang nahipos ug nabalhin sa mga sakop sa Department of General sServices (DGS) sa Mandaue City Hall.
Ang mga hospital waste nagpasad sa bakante nga luna sa may Umapad dumpsite, kilid ra sa Butuanon River.
Gikan sa Enero 22- 23, gihinayhinayan sa pagbalhin sa DGS ang mga basura sa hospital ngadto sa Material Recovery Facility (MRF) kay maoy nasabutan atol sa pagpakigtigom ni Manduae City Vice Mayor Carlo Fortuna.
Kini aron kalikayan nga mahulog ang ubang basura ngadto sa sapa o mahimo pa nga hinungdan sa mga sakit.
Matod ni Fortuna nga giablihan unta sa mga taga DGS ang mga yellow plastic, alang na sa imbentaryo kon unsa nga mga klase sa hospital waste, nangalisbo ang grabe nga kabaho nga wa makaya sa mga kawani.
Magpatabang sila sa mga tambalanan.
Usa sa mga nakita nga basura mao ang habol nga adunay ngalan sa usa ka pribado nga tambalanan nga anaa sa dakbayan sa Mandaue.
Gipaabot pa usab sa Mandaue City Government nga makakuha og permit ang Pollution Abatement Systems Specialist, Inc (PASSI) gikan sa Environtal Management Bureau (EMB) aron maoy insakto nga mohipos sa maong mga basura.