245 kilos hospital waste sa Mandaue nahipos

HOSPITAL WASTE NAGKATAG: Mao kini ang hospital waste  nga nagkatag duol sa Butuanon Bridge sa Sitio Tambis, Brgy. Umapad, dakbayan sa Mandaue nga gipanhipos na karon.  (Allan Cuizon)
HOSPITAL WASTE NAGKATAG: Mao kini ang hospital waste nga nagkatag duol sa Butuanon Bridge sa Sitio Tambis, Brgy. Umapad, dakbayan sa Mandaue nga gipanhipos na karon. (Allan Cuizon)

NIABOT sa 245.5 ka kilo sa mga hospital waste ang nahipos ug nabalhin sa mga sakop sa Department of General Services (DGS) sa dakbayan sa Mandaue.

Ang maong mga hospital waste mao ang nagpasad sa bakante nga luna sa Umapad dumpsite nga kilid sa Butuanon River.

Sugod niadtong Enero 22 hangtud 23, gihinayhinayan sa pagbalhin sa DGS ang maong mga basura sa ospital ngadto sa Material Recovery Facility (MRF), isip maoy nasabutan atol sa pagpakigtigum ni Manduae City Vice mayor Carlo Fortuna.

Kini aron kalikayan nga mahulog ang ubang basura ngadto sa sapa o mahimo pa nga hinungdan sa mga sakit.

Matud ni Fortuna nga giablihan unta sa mga taga DGS ang mga yellow plastic, alang na sa himuong inbentaryo kon unsa nga mga klase sa hospital waste kini, nangalisbo ang grabe nga kabaho nga wa makaya sa mga kawani.

Hinungdan nga magpatabang sila sa mga tambalanan. Usa sa mga nakita nga basura, usa ka habol nga adunay pangalan sa usa ka pribado nga tambalanan nga anaa sa Mandaue.

Gipaabot pa usab sa Mandaue City governement nga makakuha naog permit ang Pollution Abatement Systems Specialist, Inc nga makakuha og permit gikan sa EMB aron maoy insakto nga mohipos sa maong mga nagpasad nga basura sa bakante nga luna sa Umapad dumpsite. (FMD, Correspondent)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph