SUPERBALITA CAGAYAN DE ORO

Gisapupo

GILUWAS sa University of Mindanao (UM) ang di pa puwedeng daganan nga Davao City-University of the Philippines (UP) Sports Complex track oval sa tigi sa athletics alang sa Davraa Meet 2019.

Si Department of Education (Deped) 11 curriculum and learning management chief Janette Veloso, atol sa Davao Sportswriters Association (DSA) Forum didto sa The Annex of SM City Davao kagahapon, nagsulti, "Ang athletics dako kaayo ni nga contingent na gina-expect from delegations. Sa UM naa didto completed na og world class ang oval."

Gitug-an niya nga ang goma alang sa track oval sa Davao City-UP Sports Complex wala pa mapahimutang, hinungdan, di pa andam alang sa regional meet.

"Kailangan i-timing jud sa kainit sa panahon ang pagbutang sa rubber para dili ma-waste. Nakita man sa host LGU og host Deped division ug sa mga nagtrabaho ngadto kini dili pwede nga ora-orada. Ready ang UM, walay kabalak-an," dugang pa ni Veloso.

Si Deped 11 spokesperson Jenielito "Dodong" Atillo, sa iyang bahin, nagsulti, "Problema jud ta sa weather, ma-speed up unta ang trabaho sa UP pero pangit ang weather. The weather condition is not very good to us. Rest assured, the sports complex will be ready for Palarong Pambansa."

Sa paghinabi pinaagi sa telepono uban sa SunStar Davao, si UM sports director Joaquin "Boy" Sarabia nagkanayon nga ang Deped mibisita aron nga makigkita kang UM president Guillermo P. Torres, Jr. sa milabay nga semana aron pormal nga mohangyo nga modumala sa kompetisyon sa Davraa athletics.

"Gipa-ready ang track oval kay sugod na sa January 28 ang dula. Ang problema lang kay walay atop ang mga bleachers," tug-an ni Sarabia.

Hinungdan nga mohatag kini og suliran ngadto sa mga atleta kon mobundak ang ulan kay wala silay kapasilongan kay wa pay atop ang bleachers.

Naglaum si Sarabia nga ang Deped ug ang lokal nga kagamhanan sa siyudad sa Davao mohatag og tulda ug portalets alang sa mga delegado.

Ang UM modumala sab sa secondary girls basketball, basketball 3-on-3 ug secondary girls softball samtang ang Davao City-UP Sports Complex mao ang lugar alang sa archery, secondary boys football ug volleyball.

Ang langoy lang himuon sa Davao del Norte Sports and Tourism Complex sa Tagum City.

Ang ubang mga lugar: Malayan Colleges of Mindanao (arnis, dancesport, aero gymnastics), Barangay Calinan Gym (badminton), Lt. Villafuerte Elementary School (elementary boys baseball), Davao City National High School (billiards, sepak takraw), Usep Gym (secondary boys basketball), RMC Gym (elementary boys basketball), Barangay Toril Gym (table tennis), Almendras Gym (boxing), Philippine Nikkei Jin Kai International School (chess), Tionko field (elementary boys football), Barangay Mintal Gym (futsal), UIC J.P Laurel Avenue (gymnastics), UIC Bonifacio (wushu), St. Peter's College of Toril (pencak silat), San Pedro College Ulas (rhythmic gymnastics), Ecoland Phase 2 and 3 tennis courts (elementary boys and girls tennis), GSIS Lawn Tennis Club (secondary boys ug girls tennis), St. John Paul College of Davao (wrestling), Tacunan National High School (secondary boys baseball), Davao City Special School (Sped bocce ug goal ball) ug Philippine Science High School (taekwondo).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph