CENTRAL MINDANAO - Hugtanon nga gipanghimakak ni Cotabato City Mayor Cynthia Guiani-Sayadi ang mga akusasyon nga namalit siya og boto sa mga molupyo sa siyudad alang sa "No" sa plebisito sa Bangsamoro Organic Law (BOL).
Masuk-anon nga gibatikos ni Sayadi ang mga opisyal sa Moro Islamic Liberation Front (MILF) ug nag-akusa nga gihulga siyang patyon apil na ang mga opisyal ug mga molupyo sa dakbayan nga supak sa BOL.
"Kaninong bahay ang ginranada the night before the plebiscite? Supporter ng 'no,' si Judge Angelito Rasalan who happens to be the brother of my secretary. These are all incidences na hindi nila ilalabas para pagtakpan yung tunay na nangyayari dito sa Cotabato City," pag-akusar ni Sayadi.
Sumala pa niya nga halos matag adlaw gihasi ang mayor pinaagi sa mga hulga sa text nga siya patyon, apil ang mga kristiyano, putlan og ulo.
"I'm being harassed online; text message, ang dami kong nare-receive that they will kill me. Mga Kristiyano rito pupugutan (raw) ng ulo. If you are for peace, you should not be promoting yung tinatawag natin na karahasan," pagklaro sa mayor.
Kahinumdoman nga unang nag-akusa si Bangsamoro Transition Committee chairman ug MILF vice chairman Ghazali Jaafar nga utok sa vote buying si Sayadi.
Sa resulta sa plebisito migawas nga daghan ang pabor sa BOL sa Cotabato City kon diin ang "Yes" niabot og 36,682 samtang 24,994 lang ang "No".
"We consulted our constituents at nalulungkot sila dahil yung mga pangalan nila wala (sa listahan) pero yung mga patay biglang nabuhay. There was a massive disfranchisement. Masyadong blatant yung pandaraya, at alam namin we have sufficient evidences if only the chairman of Comelec will inhibit himself," hagit ni Sayadi.
Gitakda nga mosang-at og petisyon si Sayadi sa Comelec nga subling magpahigayon og plebisito sa Cotabato City sa Pebrero 6 dungan sa 39 ka barangay sa North Cotabato ug unom ka munisipyo sa Lanao del Norte. (Edgar E. Fuerzas)