Ang Mighty Sports maoy morepresentar sa nasod sa umaabot nga 30th Dubai International Basketball Championships sa Al Ahli Sports Club nga ipahigayon karong Pebrero 1-9.
Si coach Charlers Tiu gikataho nga moporma gilayon sa yang kompletong lineup nga langkuban sa mga All-Star players.
Napulo ka mga teams nga nagagikan sa nagkalainlaing nasod ang mosalmot sa torneyo.
Gawas sa Mighty Sports, moapil usab ang Coastal Star of Tunisia, United Arab Emirates national squad, Sala of Morocco, Al Riyadi of Lebanon, Al Ittihad of Egypt, Al Zamalek of Egypt, Beirut of Lebanon, Homenetnem of Lebanon ug Champville of Lebanon. Ang Mighty Sports mokuha og tulo ka import nga sila si 6-10 Lamar Odom, 6-11 Randolph Morris ug 6-5 Justin Brownlee.
Sa mga locals anaa usab ang mga beterano nga sila si Joseph Yeo, Gab Banal ug Jett Manuel, Juan Gomez de Liano, Dodong Santillan, Justin Gutang, Troy Rike Roosevelt Adams sa College of Idaho ug Jermeiah Grayk sa Dominican University of California (JBM)