SECTIONS
Monday, April 22, 2019
SUPERBALITA CEBU

2 ka adlaw nga way mayor

Duha na ka adlaw nga way naglingkod nga mayor sa lungsod sa San Fernando sukad sa pag-ambush kang Mayor Lakambini “Neneth” Reluya niadtong Martes sa gabii, Enero 22.

Matod ni Edcel Laguda, acting municipal treasurer, nga wa pa sila nakadawat og authorized signatories gikan sa mayor ug kon kinsa ang in-charge samtang anaa pa siya sa tambalanan.

Padayon gihapon ug way kausaban ang pagdumala sa administrasyon ug mga opisina sa munisipyo ug ang mga batakang serbisyo ug ang prayoridad nga mga proyekto.

Dungag ni Laguda nga kon aduna silay dinalian nga mga dokumento nga angay permihan ni mayor, ila lang kini ipadala ngadto kaniya para i mapirmahan.

KINSAY MOHULIP?

Samtang naa pa si Reluya ug naka-leave si Bise Mayor Fralz Sabalones sukad niadtong Hulyo sa miaging tuig, ang nag-unang konsehal una sa lungsod ang moasumir isip acting mayor ug ang nagsunod niini maoy mamahimong acting vice mayor, sumala sa usa ka opisyal sa Department of Interior and Local Government (DILG) sa lalawigan sa Sugbo.

Matod ni DILG Cebu provincial director Jerome Gonzales nga ubos sa Local Government Code of the Philippines, gihan-ay na daan kon kinsa ang mopuli og sunod kon dunay temporaryo mabakante nga position gumikan sa pag-leave sa usa ka opisyal nga naglingkod niini.

“Once mobakante na ang taas, saka ang tanan. Gituyo na sa balaod para wala’y vacuum. Duna gyud in-charge, wala nay kinahanglan nga lain pang himuon nga certification or endorsement, wala automatically mo-function sila,” pasabot sa opisyal sa DILG dihang nahinabi sa Superbalita Cebu pagka Huwebes, Enero 24.

Si Konsehal Gemma Bacalla, kinsa maoy nakakuha og kinadaghanan nga mga botos sa miaging 2016 elections, maoy mahimong acting mayor sa lungsod samtang si Philipp Jude Medalla, ang ikaduhang konsehal, ang mag acting vice mayor ug maoy mo-preside sa mga session sa Sangguniang Bayan samtang wa pa makabalik sa ilang mga pwesto sila si Lakambini ug Sabalones.

CCTV

Sa pagsubay sa kapulisan sa Dakbayan sa Talisay, duna silay nakuha nga tulo ka mga close circuit television (CCTV).

Matod ni Talisay Police Chief Marlu Conag, hayan makatabang sa ilang imbestigasyon ang mga kuha sa CCTV.

Nanguha na usab sila og mga pamahayag sa mga saksi.

Sa pagkakaron, aduna nay persons of interest nga giila ang ang Special Investigation Task Group.

Matod ni Supt. Virgilio Bayon-on, spokesperson sa SITG, nga nihimo pag case build up ang mga imbestigador alang sa dinalian nga kasulbaran sa pagpamanhig.

Di pa hinuon matawag nga suspek ang duha ka persons of interest sanglit wa pa silay mga ebidensya nga makatumbok kanila, apan lakip na sila sa ipatawag ug ipaubos sa imbestigasyon. (SCG, AYB, AZLG, Jolissa Mae Taboada, Angelo H. Seismundo, USJ-R Interns)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!