Mga duwa karon

4:00 p.m. – Ginebra batok Alaska

6:30p.m.  – San Miguel batok Purefoods

PUNTERHAYON sa Alaska Aces ang dominanteng 3-0 nga bintaha sa ilang pagpakigbatok og balik sa Brgy. Ginebra Gin Kings sa premirong duwa karong hapon sa Game 3 sa ilang best-of-seven semi-finals series sa 35th PBA-KFC Philippine Cup sa the Araneta Coliseum.

Click here for stories and updates on the Sinulog 2010 Festival.

Sa laing bahin, buakon sa magsuong teams San Miguel Beermen ug Purefoods TJ Giants ang ilang 1-1 nga panagtabla sa ilang panag-abot sab og balik sa main game alang sa Game 3 sa kaugalingon nilang series.

Bisan sa 2-0 nilang bintaha, si Alaska coach Tim Cone nagkanayon nga nagpabilin gihapon ang iyang respeto sa kapabilidad sa Gin Kings, gani nagtuo siyang moabot gyud sa tumoy ang series.

“It’s hard to believe we could play two good games against Ginebra. The bottom line, however, is that we’ve been here and they’ve been here. We were 2-0 against Talk ‘N Text in the last all-Filipino finals but still we lost. Ginebra was down 0-2 in the quarterfinals and it won. That’s why I’m still expecting a long series,” pasabot ni Cone.

Gitataw ni Cone nga iya gyung gipahimangnuan ang iyang mga magduduwa nga dili mokompiyansa bisa’g gamay.

Si Ginebra coach Jong Uichico malaumon sab gyud gihapon nga makabangon ra sila.

“At least we fought  hard already. If we still lost it but it was not like the last time. We have a depleted line-up and I think we will have a better frame of mind in the next game,”asoy niya.