ARON masustentohan ang iyahang paglarga sa Estados Unidos alang sa kompetisyong “World Championships of Performing Arts,” usa ka fund raising concert ang ipahigayon ugma, Dominggo, Enero 27, alang kang Christian Cayobit.
Ang Sugboanon nga si Christian makigtigi sa ubang talento sa nagkadaiyang nasod sa kalibutan.
“Nagpa-fund raising concert ko para ika-support sa akong pag-compete sa ika 23rd nga World Championships of Performing Arts sa Long Beach California, from July 12-21, 2019 diin ang akong category kay sa Vocals,” matod ni Christian.
Sa maong kompetisyon usab gikan ang mga sikat na karon nga silang Jed Madela, Rhap Salazar, Raymund Sajor, Jonalyn Viray, Laarni Lozada, Junior New Systems, Christiani Rebada, Nhikzy Calma ug ang duo nga M Squared nga silang Maxwell Soller ug Miguel Ibaseta nga puros taga-Sugbo.
“Nagkinahanglan ko sa inyong suporta isip usa sa mamahimong sponsors para sa akong Contest Registration, Visa Application, Plane Ticket, Accommodation ug uban pa.”
Ang Christian Cayobit: “Garbo Sa Sugbo” A Journey to the World Championships of the Performing Arts himuon ugma, Enero 27, Labangon Sports Complex, dakbayan sa Sugbo.