Good morning, Pilipinas!
Sa mga kalimtanon nga sama nako, kawaykaway naman dyan!!!
Karong 2019, akong gigakus og hugot ang panghunahuna sa panginabuhing hilom, simple ug malinawon. Kamo pod ba, igsuon?
Kadto man god 2018, medyo naglisud ko sa kinaulahiang bahin sa tuig kay lagi nagpatuyang sa mga matang nga tinguha pod sa akong “flat” nga dughan. Kani laging motungtong sa edad nga 40 gitinguha pod nako nga mas mahimong “happy” mao nagkompromiso “gamay” lang god, pare.
Sa sama nako nga walay klarong pangita (online teaching depende sa gana), dili diay nindot nga mangutang bah. Bitaw, dili dautan ang pagpangutang ilabi na nga intensyon nato kining bayaran. Bisan ato kining likayan, usahay ma-”short” man ta sa budget. Maka-relate ka?
Okay mangutang kung alang sa kapital sa negusyo, pambayad sa tuition sa mga anak nato, naospital kita o atong kapamilya o kung pangpugong sa pasmo, higala. DILI “okay” kung ipalit ra nato'g mamahalon nga bisti ug cellphone ay... smartphone, mare, aron “sossy.”
Dili gayud ko ganahan mangutang kay sige ko'g hunahuna sa akong ibayad. Birtdey man god to nako, ug kani laging gusto'g “bongga” gamay mao sa pagpangutang wa milikay. Human nagbayad apan puwerte nako'g tipid sa budget sa unang bulan pa lang sa tuig- haaaaay.
Sa pagkatinuod, kung daghan kita'g hunahunaon ug konsiderasyon alang sa atong mga kinabuhi kay nindot man kung naa sa balanse ang tanan. Kung magpatuyang- “stress” o dagang kasahol ang sangputanan.
Grasya ni Lord, mas ning simple akong pagtuo ug panglantaw sa kinabuhi now. “Less is More” akong motto kay kung unsay anaa- ako rang ipa-igo, ug usahay gani manghinobra pa kini. Sama sa sud-an, okay ra usa ka putahi kontra sa tulo kay dili na kita mapasmo. Sabagay, lami baya ihabhab ilabi na nga tingtugnaw pa ang panahon.
Sa katapusan, dili lang seguro kita sige'g hunahuna sa daghang butang ilabi kung sa umaabot pa kini. Nindot god mangandam apan wala may ni usa kanato ang nasayud kung buhi pa ta ugma. Aron dili mabalaka, magmapasalamaton kita sa matag adlaw nga ginapahulam sa atoa kay who knows... mao na kini ang ulahi. #behappy