Cesar Albor

Sandiganan

BAHA sa katawhang kabos maoy naglangkob sa dakong pahat sa atong katilingban. Kansang panginabuhi gihinayhinayan pag-itlib sa kapit-os ug kawad-on. Sila ang panon sa mga kabos sama sa mga senior citizen, drivers, mag-uuma, mangingisda, vendors, panday, mamumuo ug mga squatter.

Kini sila makapilde ug makapadaug og mga kandidato. Busa, mangabyon ang kabalaka sa mga politiko kon dili nila makawhat ang atensyon ug konsinsya ning maong hut-ong sa katilingban.

MABUDHION

Gisanapan sa kagul-anan ang akong amigo nga si Efreno. Atol sa Valentines day kalit nga nikuyog og laing lalake ang nurse niyang hinigugma.

Click here for stories and updates on the Sinulog 2010 Festival.

Siyay nagpatungha sa iyang uyab hangtod nga nahimong registered nurse.

Nagbigni ang iyang kasing-kasing sa dili masabot nga pagbati. Ako na lang siyang gidasig. “Kon dili nimo maangkon ang imong hinigugma, higugmaa nalang ang imong naangkon. Sunod gani, maayo pay mosalig ka sa gutom nga liyon kay sa babayeng mabudhion og kasing-kasing”. Pait no?

KINAIYAHAN GIGUN-OB

Sa ika-unom nga distrito, ang Mandaue maoy nakakuha sa highest Philhealth enrollees. Sa Cordova nag-una ang health services. Apan lahi ang atong madungog sa Consolacion kay maoy gitagad ang pagguba sa bahandi sa kinaiyahan.

Giunsa diay ang bukid, gigun-ob o gigongub?

GAHOM MAKAHUBOG

Dunay mga lider nga nahimong diktador sa ilang pamunuan. Nahubog sa gahom ug dili na gani morespeto ug paminaw sa sugyot sa mga sakop nga nagpalibot kaniya.

Apan maayong kapanig-ingnan ang Cordova kay konsultahon ang tanang sector matag semana aron pagsulbad sa kasagarang mga problema. Mao diay nga walay misulay sa pagsakbang kang Mayor Adelino Sitoy. Bisag wala pa ang adlaw sa piniliay kita moingon, congrats mayor ug belated happy 74th birthday. Edaran na apan batan-on pa ang mga tinguha.

(csa_1156@yahoo.com / cell #: 0905-250-4643)