HINGPIT nga napupos na ang hamubo nga panahon ni kanhi England manager Sven-Goran Eriksson isip coach sa Philippine Azkals football team. Kini maoy gipahibawo sa mga opisyal kagahapon human nga ang national team wala makadaog sa unang pagsalmot niini sa Asian Cup.
Ang 70-anyos nga taga Sweden gikuha niadtong Oktubre aron maoy mogiya sa team.
“He (Eriksson) was really on a short-term engagement as previously announced last year,” matod ni Philippine Football Federation general secretary Edwin Gastanes ngadto sa AFP.
Matod niya nga wala hinuon taktaka si Eriksson kon dili nahuman na usab ang kontrata niini nga mao lang ang pagdala sa team sa 2018 AFF Suzuki Cup and the 2019 Asian Cup.
“He is available for consultation still,”dugang ni Gastanes.
Ang consultant sa team nga si Scott Cooper mao karon ang modala sa team alang sa Fifa World Cup Qualifiers.
“Scott will be the one in charge of the preparations for the Fifa World Cup Qualifiers,” pagbutyag usab ni Philippine Football Federation president Nonong Araneta.
Si Cooper nahiuban sa team sukad pa sa niaging tuig ug maoy nagdala sa training sa wala pa maabot si Eriksson. Siya usab ang nag-assist sa kampanya sa Azkals sa AFF Suzuki Cup, ug sa AFC Asian Cup.
Apan kinahanglan molukat una siya og FIFA pro A license aron tugotan kini nga maka coach sa team. (JBM)