KINING Hypertension nga mas popular nga nailhan sa tawag nga High Blood (HB) usa sa mga kumon nga problemang panlawas karong panahuna. Kasagarang matawag nga HB kung ang basa sa ilang pressure sa dugo 140/90 mmHg.
Bisag kinsa nato ang posibling magkasakit ini bisag unsa pa ang kagikan, estado o kahimtang. Ang kapait kay kung di kini ma-agapan, kini maka-ingon sa ubang mas mangtas ug makamatay nga mga sakit nga lisod tambalan ug ikontrolar sama sa diabetes, kidney failure, aneurism, sakit-sakit sa utok ug kasing-kasing.
Bisan pa man og dunay mga tambal nga e-resita sa doctor para sa pagkunhod o normalize sa pressure, duna gihapon kini side effects sama sa pag-pang lipong-lipong, insomnia ug pagpamanhod sa tiil.
Way kumo kung mogamit og herbal o natural nga pama-agi para sa pagkunhod ni-ini. Suwayi kining mosunod gikan sa Read and Digest:
Una kining Lemon Juice. Ang usa ka basong tubig nga may pinuga nga usa ka Lemon nga prutas mao ray imnon inig mata sa buntag sa wa pay sulod ang tiyan una mamahaw.
Ikaduha, ang ahos. Kini dunay sulfur compounds sama sa diallyl trisufide nga maka paubos sa pressure sa dugo ug makatabang og tangtang sa mga hugaw kon toxins apil cholesterol sa lawas.
Makapadako sab kini sa mga ugat-ugat nga maoy agi-anan sa dugo kay duna man kini nitric oxide.
Imong buhaton, mokaon ka lang og duha ngadto sa upat ka buok ahos kada buntag una mamahaw o sa gabi-i una matulog. Mas maayo kung kan-on kini nga presko ug di niluto para di mawala ang mga importanting nutrients ini.
Katapusan kining pagsagol sa Applle Cider Vinegar (ACV), tubig ug Baking Soda. Usa ka basong tubig, 1/8 nga kutsarita nga Baking Soda og usa ka kutsarang Apple ang isagol.
Kini dunay magnesium, potassium ug calcium nga makatabang pagpakunhod sa pressure sa dugo ug pagpadanlog sa agi-anan sa dugo labi na dapit sa may kasing-kasing . Suwayi og inum ka duha sa usa ka adlaw unya obserbahi kung duna bay kausaban sa imong gipamati.