ADUNAY mga gipangsubay mga armadong indibidwal ang kapulisan sa dakbayan sa Mandaue atol sa pagtapos sa kapyestahan sa Sinulog ug sa pagsugod sa election gun ban.
Nagtoo si Superintendent Julian Entoma, director sa Mandaue City Police Office (MCPO) nga adunay panginahanglanon sa pagverify sa mga tawo nga wa mag renew ug wa gyud lisensiya nga mga armas.
"..Ikaduha sa atong focus, ang atong umaabot nga election wherein ubay-ubay ta nakita nga mga armado pa gyud sa atong area, gani adunay mga nahitabong' pusil tungod sa drugs, mga panghitabo nga ingon ana, so definitely dunay presence sa firearms sa atong area," sumala ni Entoma.
Giangkon ni Entoma nga aduna man silay gisubay nga mga indibidwal nga armado apan igo ra kini nga posibleng magamit nga spotter sa mga ilegal nga kalihukan.
Hinungdan nga gipaspasan sa kapulisan ang pagpahigayon sa Oplan Katok ug pagpasurrender sa ilang armas o sikupon sila pinaagi sa search warrant.
Dugang ni Entoma nga mas gipahingusgan nila ang intelligenxe gathering ug monitoring aron malikayan ang mga drug groups nga posibleng mahimong armed group, isip panglawgaw ilabi na nga "nagkainit ang pamolitika."
"Focus nasad mi sa Oplan Katok, naa gyud nga unrenewed firearms or kadtong mga wa gyud lisensya manghinaot ta nga i-surrender daan, turn-over daan, kay sa maabtan sila sa search wwarrant (SW), mao ni ato gi-subaybayan, before sila maka-grupo," dugang ni Entoma.
Gipahinumduman usab ang mga barangay opisyal, atol sa gihimong tigum niadtong ikatulong' semana ning bulana kuyog sa kapolisan, nga angay lang magmatngon sa mga posibleng bag-o salta sa ilang lugar. Ilabina sa sa posibleng pagbalik sa nga grupo sa Kuratong Baleleng gang/Parojinig drug syndicate.
Human matud ni Entoma nga gitug-an s amga operatives sa Mindanao, nga ania oa gyud sa Metro Cebu ang ubang kaubanan sa nabungkag nga grupo, nga posibleng manimalos sa namatay nila nga kaubanan didto sa barangay Cubacub sa syudad sa Mandaue, Setyembre sa niaging tuig o magpagamit isip armado nga grupo, ning umaabot nga piniliay.
"Ato nakita sa Mandaue, base na kato sa presence sa kuratong nga napatay sa Cubacub, it can be modagsang sila ron, moari sa atong area kay out of vengeance or naay taw nga mogamit nila kay naay panahon gyud nga magpagamit. Gusto sad nila nga mo-proliferate ang drugs, mao na pinakakuyaw nga naa pay drugas naa pay armas nga magamit, kay kon sila makasud sa area, tawag ni sila nga mga halang ang kaluluwa, mao ni amo gi-focus.