NAGTINGKAGOL sa prisuhan ang usa ka driver human nadakpan sa drug bust operation sa Barangay Tambaling, lungsod sa El Salvador, Misamis Oriental.
Giila ang dinakpan nga mao si Rommel Pangingigan, residente sa susamang dapit.
Ang El Salvador City Police Station nagpahigayon og operasyon tungod taod-taod na kini nilang gipamatikdan ug positibo kining napalitan og ginadili nga druga nga mobalor og P500.
Gihimoan pa kini og body check ug nakuha ang laing duha ka pakete sa gituohang shabu.
Ang kapulisan nagsige pahimangno niadtong padayon sa pagpayuhot niini nga undangon na labina dili sila moundang sa pagpangdakop.
Gitakdang pasakaan og kasong kasupakan sa Republic Act 9165 kon Dangerous Drugs Act ang mga suspetsado. (SVB)