“UNFAIR” alang kang Bogo City Mayor Celestino “Junie” Martinez Jr. ang pamahayag ni PRO-7 director Lani-o Nerez nga di angayang tangtangon sa puwesto si S/Supt. Vicente Loot taliwa sa daghang mga pasangil sa harassment.

Matod ni Martinez nga gipadapigan dayon ni Nerez si Loot bisan kon wa pa kini gihimong imbestigasyon sa daghan na nilang mga pasangil sa pagpanghasi ni Loot sa 4th district particular na sa Daan Bantayan.

Apan si Loot nanghimakak niining mao nga pasangil sa interview sa sibyaanang dyRF.

Click here for stories and updates on the Sinulog 2010 Festival.

Matod niya nga minamao-mao ra kini sa mga kaatbang sa asawa.

“Wa bitaw na sila ka produce og saksi. Naa man gani, usa ra gyud ka buok,”matod ni Loot.

Kagahapon, nagpatawag og press conference si Martinez diin iyang gipresentar ang iyang mga political leader sa Daan Bantayan pinangulohan ni retired Gen. Hiram Benatiro, kinsa maoy bise mayor ni Augusto Corro.

Si Corro nga maoy ikasangka sa asawa ni Loot nga si Ma. Luisa Loot maoy ni-request kang Nerez nga ipalabay ang pulis opisyal gawas sa Central Visayas kay duna kini impluwensiya sa kapulisan ug gamiton na karong eleksyon.

“He should do something about it kay kadto bitawng gireklamo ang Cibactaf, he personnaly went to Bogo. Unfair kaayo nga way himuong investigation. Iya untang tan-awon and then decide. We want fair and fair treatment,” nagkanayon si Martinez.

Kon di gyud matangtang si Loot, matod ni Benatiro nga plano nilang modangop sa Camp Crame.

Apan kon wa gihapon kiniy aksyon, matod sa grupo nga mohimo sila og legal nga lakang.

“Kon wa na gyuy mahimo, we’ll just pray,” matod ni Atty. Gilbert Arrabis, kinsa subling magpapili pagka-konsehal sa Daan Bantayan ubos sa tiket ni Corro.

Gitug-an ni Benatiro nga usa sa gihimong harassment sa grupo ni Loot nahitabo niadtong Pebrero 6 sa brgy. Calape diin nagsinggit-singgit ang giingong tawo sa mga Loot nga giilang si Nonie Caparoso taliwa sa gihimo nilang pulongpulong.