LAYO man among gigikanan, pero wa namo kini igsapayan sa ngalan sa among pagkalaagan, diin gikan Davao City, gibiyahe namo og dul-an unom ka oras ang Barobo, -- usa sa mga munisipalidad sa Surigao del Sur.
Sa among plano nga adtuon ang mga islet sa Cabgan, Turtle ug Vanishing, napadpad kami sa Big Times Beach Resort sa Barangay Lianga, gumikan kay nagdaut ang dagan sa panahon hinungdan nga wa kami sugti sa pagpalawod patabok padung sa tulo ka islets.
Pero sige lang, sa sunod higayon mao kana among plano nga adtoan gumikan hatud niini ang perfect nga view labi na og aerial shoot sa drone ang hisgutan.
Uban sa akong mga higala ug kaubanang mga magtutudlo, na-enjoy man sab kami diri nga resort gumikan kay gawas nga brato ra, nindot sab kaayo ang view sa palibot nga talagsa ra makita sa uban mga beach.
Walay entrance fee ngari, ug gaan kaayo sa bulsa ang ilang bayrunon sa cottage nga dunay kaugalingon nga videoke, dunay sugbahanan ug kaugalingon nga lababo.
Naa sa'y swimming pool nga patok sa mga bagets uban ang mga karton karakter nga makalingaw kanila.
Ang lapyahan sab sa dapit gipalibotan og mga bakawan nga kung duolon makita nimo ang mga gagmay'ng isda.
Uban nako sa laag ang among English Language Development director Prof. Jenny Cortez, anaa sab si Ginoong Wilson Berad ang head sa Filipino department; ang akong higala nga milabaw pa sa usahay JC Canda ug ang akong estudyante nga si Peter Macayan ug ang iyang hinigugma.
Siyempre ang akong ka Gang sa laag sa RDL Pharmaceutical Incorporated nga sila
Ma'am Myren, Michelle, Charmie ug Mary Rose, wa sab nagpaulahi sa maong suroy.
Sa gustong molakwatsa ngari sa Barobo, planohi na ang laag uban sa barkada aron makadaginot sa gasto, gumikan kay kung daghan ang manguban mogamay ra sab ang amotan, di ba?
Kini ang kaanyag sa Barobo, tara laag ta ngari!