NAGMUGNA og technical working group ang sektor sa mga negosyante aron hingpit nga mabalhin ang deadline sa pag-renew sa business permit sa siyudad sa Cagayan de Oro sugod sunod tuig.
Nasayran nga gilugwayan na usab ang pagbayad sa business permit karong tuiga ug halos matag tuig na nga maghangyo ang mga negosyante nga malugwayan ang iskedyul niini.
Matud ni Kagawad George Goking, tsirman sa komitiba sa Trade and Commerce nga nagmugna na kini og technical working group aron nga maghangyo ug maamendahan ang Tax Code 2015 ug mahingpit na nga mamahimong pirmanente ang Enero 31, 2019 nga iskedyul sa deadline sa pagbayad og business permit.
“Nag decide ko to come up with the technical working group on the amendments for the Tax Code of 2015 di pa na sa ako nga time or any amendments pareha sa deadline January 20 himuon 31, kung naa sila’y request for amendments e-submit pa namo na to the national,” matud ni Goking.
Kahinumdoman nga nagpadayag ang sektor sa mga negosyante ilabi na sa Oro Chamber ug Misamis Oriental Filipino-Chinese Chamber of Commerce and Industry Inc. nga mas dakong tabang kung mahingpit na nga mabalhin sa Enero 31, 2019 ang deadline sa pag-renew sa business permit gumikan na usab sa kadali sa panahon ilabi sa paghuman sa bag-ong tuig ug daghan ang ilang gipang-apas.