SECTIONS
Saturday, May 25, 2019
SUPERBALITA DAVAO

Isports Idol: Mobuak pa og rekord

ANG pagbuak og rekord sa Palarong Pambansa 2018 di maoy katapusan alang sa 14-anyos nga si Juliana Marien Villanueva kay nagtinguha gihapon siyang mas mohawod pa matag tuig.

"I plan on breaking more Palaro records," butyag niya, ug masaligon nga iyang malabwan ang iyang nuybe minutos ug 45.40 segundos nga iyang girehistro sa secondary girls 800-meter freestyle didto sa President Elpidio Quirino Stadium sa Bantay, Ilocos Sur niadtong Abril.

Ang rekord nga iyang gipapas mao ang kang Erika Kristy Lukang sa Calabarzon Region niadtong 2010 kinsa mioras og 9:48.12; talagsaong kalampusan alang sa atleta sa iyang debu sa Palaro's secondary division batok sa mas tang-an nga manlalangoy.

"My ultimate dream is to be able to go beyond my limits and achieve greater things."

Ingon niana ang iyang gihimo pinaagi sa pagrehistro og bag-ong oras nga 9:30.46 sa samang tigi atol sa Davao City Athletic Association (Dcaa) Meet 2018 niadtong Oktubre.

Karon, samtang mangulo sa oath amateurism sa dihang magbukas ang Davao Region Athletic Association (Davraa) Meet 2019 sa Davao City-UP Sports Complex sa Bago Oshiro, Tugbok District, nasayud siya sa taas nga ekspektasyon sa mga tawo palibot kaniya.

"I pray, I train hard and its' all really up to God. My training is more intense now than my Davraa preparations last year," paglaum sa mananaug og bronseng medalya makaduha sa Brunei 10th BIMPNT-Eaga Friendship Games.

Makigtigi siya sa secondary girls 200m, 400m ug 800m freestyle events, 200m butterfly, 4X100 freestyle relay ug 4X100 medley relay.

Sa dihang gipangutana bahin sa iyang tinguha, dali siyang mitubag nga wala siya magplano nga modaug lang og bulawan. "All that matters is that I am able to break my personal time."

Wala gani siya magdali nga makaangkon og luna alang sa national team ug makaapil sa Southeast Asian (SEA) Games, Asian Games, ug sa Olympics.

Taliwala sa naangkon niyang mga scholarships sa mga dagkong unibersidad gumikan sa iyang katakus, determinado si Yana nga mohuman og high school sa dakbayan sa Davao o hangtud ang iyang maguwang nga babaye kinsa manglalangoy sab makauban niya sa "Big City". Kasamtangan siyang naa sa Grade 9 sa Precious International School of Davao.

Una siyang nagpasakop sa Blue Marlins Swimming Club apan nahimong tinun-an sa beteranong swimming coach nga si Jun Rodriguez sukad Grade 4.

"Sometimes I make my coach angry. Many times I cried during training. But the hardships I had to go through was worth it," tug-an niya, samtang nagkadipudipo pa sa iyang bulawan nga naangkon sa Palaro. "I prayed so hard to God, I trained so hard for this."

Sumala ni Coach Jun nga dunay daghang mga manglalangoy nga Dabawenyo kinsa midaug og medalyang bulawan sa milabay nga Palaro apan si Yana maoy unang nakapapas og rekord.

"It's difficult to win a Palaro gold let alone breaking a record. Yana is still so young, she has more Palaro years ahead of her. Some other coaches from other delegations were really surprised on what she just achieved at her young age," paghangop ni Coach.

Duna na siya karoy lima ka bulawan sa Davao Region Athletic Association (Davraa) Meet 2018 sa Davao City niadtong Pebrero ug daghang mga bulawan sa Batang Pinoy Mindanao Qualifying 2018 nga gihimo niadtong Marso sa Oroquieta City.

Kinsay nasayud, kon makabira na sab si Yana og surprisa?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!