Dear Papa Joe,
Ako diay si Pingloy, 23. Naa koy nakaila nga amigo sa gym kay gidala man ko sa akong mga classmate nga mag workout. Mao to as time goes on, nagkasuod mi.
Naay one time ana nga nag-inom mi kauban ang akong mga klasmet ug kining amigo nako. Mga ala unana mi sa kadlawn nahuman. Unya kay naa may mga motor akong mga classmate, mao namauli sila og una while kami sa akong amigo nahabilin. Nag decide na lang mi nga mag check in.
Nisud dayon ko sa bathroom para maligo. Nisunod sad siya og sulod nga way sapot kay makigdungan na lang sad daw siya og kaligo, Nisugot na lang sad ko kay wala man koy malisya nga pagkatawo niya puro sad mi lalake .
Wala ko magdahum nga may plano diay siyang daotan nako ug mao to nakuha niya ang iyang gusto. Human ato nga panghitabo, wala na ko mitagad niya. Usa ka gabii nanawag siya nako ug ako ra sad gitubag, Ako siyang gisultian nga unta dili na ko niya samokon. Nasuko naman hinuon siya nako ug gisuktan ko niya sa ako utang kay nakahuwam man ko niya og kwarta atong na hospital ko due to motorcycle accident pampuno sa pambayad sa hospital. Pero may plano ko nga bayaran siya. Niingon sad siya nga iya daw ko ipa expel sa school kay naa daw siya kaila sa school nga ako gitunghaan nga dako og ranggo. Unsay akong angay buhaton?
PINGLOY
Pingloy,
Well, ako pa nimo bayri ang imong utang para wala na siyay rason sa iyang hulga nimo. Ug kon ipa expel ka bisan way igong rason, bisan pa kanang opisyal sa school pwede pa na nimong sumbalikon.
Basin naa pay lawom nga rason nga wa nimo gisugid. Basta ayaw kahadlok.
PAPA JOE
(sa inyong tampo ipadala lang sa papajoesuperb@gmail.com)