TULO ka mga sakop sa New People’s Army (NPA) ang namatay sa sunod-sunod nga engkwentro sa Cotabato ug Surigao del Sur.
Si 1st Liutenant Tere Ingente tigmaba sa 4th Infantry Division, Philippine Army, niingon nga unang engkwentro nahitabo sa Magpet, dakbayan sa Cotabato.
Usa ka NPA nakitang patay human sa engkwentro tali sa tropa sa 19th Infantry Commando Battalion sa Barangay Bagumbayan, Magpet.
Subay niini usa sab ka NPA ang nakit-ang samaran nga nadakpan sa checkpoint sa susamang lungsod.
Kaengwentro sa tropa ang mokabat 70 ka mga sakop sa NPA.
Usa ka lalaking NPA nakit-an human miatras ang walhong grupo ug nakita sa encounter site ang 1 - M14 rifle, usa ka M16 rifle nga adunay M203 granade launcher, 1 usa ka antipersonnel landmine, 5 – magazines, NPA flags, ug uban pang gamit.
Samtang sa Surigao del Sur duha ka NPA nakit-ang patay human naengkwentro sa tropa sa 30th Infantry Battalion sa Sitio Little Baguio, Barangay Payapag, Bacuag, Surigao del Norte.
Nagpahigayon ang 30IB og security operations dihang naengkwentro ang dili mominos sa 30 ka mga sakop sa Guerilla Front 16 of North Eastern Mindanao Regional Command nga gipangulohan ni Alias JD/Bern.
Halos usa ka oras ug tunga ang engkwentro nga nagbilin ug duha ka mga patayng lawas sa walhong grupo nga babae ug lalaki ug nakuha sa ilang posisyon ang mga high powered firearms.
Matud ni Major General Ronald Villanueva, ang commander sa 4ID, nga ang kasundalohan wala naghunong sa pagukod sa walhong grupo sa area of responsibility.
“We have not declared any suspension of operations even during last holiday season, we are determined to end the deception and terrorism brought by CPP – NPA - NDF in the communities,” matud niini ug miingon nga ang walhong grupo aron dili masusama sa gidangatan sa namatay nilang mga kauban ang bukas palad nilang dawaton kung mobalik sa sabakan sa gobyerno labina daghang programa gitanyag sa gobyerno alang kanila.
“They can still avail of the Enhanced Comprehensive Integration Program being offered by the government,” dugang ni Villanueva. (SVB)