MOKABAT sa 1,000 ka mga polis gikan sa Misamis Oriental Provincial Police Office ang nakaalerto karon nga gisugdan na ang election period.
Kini ang gikumpirmar ni Police Senior Superintendent Rolando Destura.
Matud niini nga adunay mga lugar sa Misamis Oriental nga dunay mga presensya sa New People's Army ug ila na kining na monitor.
“Sa report nga moabot sa amo galabay labay lang sila pero dili gyud gadugay,” matud ni Destura.
Gibantayan sab nila kining mga gahimoun sa grupo nga permit to campaign apan wala pa sab silay namonitor naghimo niini.
Samtang gipahibalo sab niini nga hapit na iturn-over ang mga body camera gikan sa kapitolyo probinsyal diin matag police station adunay madawat nga duha lakip ang Provincial Headquarters.
Nakaalerto kining kapolisan karon panahona ug padayon ang Commission on Elections gun ban checkpoint.
Samtang katambayayong sab nila ang duha ka battalion gikan sa kasundalohan nga motabang sa hapsay nga piliay. (SVB)