GRASYA gibubo sa lungsod sa Catmon, Cebu niadtong Enero 8 dihang laing proyekto sa lungsod ang gisubhan sa bag-ong Kusina sa Kahimsug ug Pag-amuma (KKP).
Usa ka programa nga gitumong sa paglambo sa panglawas sa malnourished children samtang magtudlo sa mga bata sa kaimportanre sa maayong nutrisyon.
Si Cebu Governor Hilario Davide III uban sa iyang asawa nga si Jobel ug Vice Governor Agnes A. Magpale ubos sa pagpangulo sa pagsubo ug paglusad sa KKP Program ug turn-over sa kitchen utensils ug equipment sa bag-ong kusina uban sa representate sa Gawad Kalinga, Department of Education, Department of Social Welfare and Development, local officials, parents ug pupils.
Ang Catmon usa ka fourth municipality sa Cebu human sa San Remigio, Samboan ug Madridejos sa paglusad sa KKP program.
“The children are our future. Kinahanglan tanang paningkamot, sentro gyud para sa mga kabataan kay sila man ang mopuli nato,” matod ni Davide III.
“Kinahanglan gyud natong tagaan og insaktong pagkaon ang mga bata ug (angay) makat-on ang mga bata nga mokaon og utan kay daghan na diri sa Catmon. Sa mga bata, kinahanglan healthy aron healthy ang atong society,” dason niya.
Si Vice Governor Agnes Magpale nagtuo nga “a healthy body is a key to a healthy mind”.
Matod ni Magpale, “Dako kaayo ang akong pasalamat nga nakig-partner nato ang DepEd, DSWD, Gawad Kalinga.”
Duha ka mga tunghaan sa Catmon nakadawat og kitchen equipment ug utensils. Ang Kusina 1 sa Catmon Integrated School (CIS), Poblacion ug Kusina 2 sa Agsuwao Elementary School, nahimotang sa bukirang dapit sa Catmon, diin 20 kilometers gikan sa Poblacion.
Ang kalihokan sa blessing gidumala sa usa ka pari ug ang ribbon cutting nila ni Jobel Davide ug Vice Governor Magpale ug gisaksihan sa mga lokal nga opisyal, GK, DSWD, ug DepEd.
Atol sa programa, ang mga magtutudlo sa CIS ningkanta og “The Greatest Love of All”.
Ang turnover ceremony gisundan sa signing sa pledge of commitment sa mga opisyal ug representate sa participating agencies.
Nitambong sa kalihokan mao sila si Vice Mayor Irish Baylon–Gestopa, GK Provincial Head, Antonio M. Florendo Jr; KKP Advisor Jobella A. Davide; DepEd representative Jose Garry R. Napole; DSWD’s Nutritionist/Dietician Daphne Joyce B. Embradora; District Supervisor Dr. Omega Monisit-Sol ug local officials. (PR)