ADUNA nay mga saksi ang mi luwat og pamahayag sa Special Investigation Task Group (SITG) labot sa nahitabong pag banhig sa sakyanan ni San Fernando Mayor Lakambini Reluya niadtong Enero 22 sa Barangay Linao, syudad sa Talisay.
Matod ni Superintendent Virgilio Bayon-on, ang spokesman sa SITG Reluya, nga wala pay nausab sa ilang angulo nga gisubay sama sa pulitika, negosyo ug illegal nga drugas.
Apan ilang gitinguha nga sa dili pa ang ultimatum nga gitagal ni Philippine National Police Chief Oscar Albayalde ila nang madakpan ang mga suspek sa krimen.
Gipasalig ni Bayon-on nga dili fall guy ang ilang dakpon.