SUPERBALITA CEBU

MCPO gusto nga pasakaan ang alert level sa EWAS sa Mandaue

CEBU. Mas subsob nga mga checkpoint gawas sa gi-require sa Comelec ang ipahigayon sa kapulisan sa Mandaue. (SunStar file)

MI-REKOMENDAR ang Mandaue City Police Office (MCPO) ngadto sa Police Regional Office 7 ug sa Commission on Elections (Comelec) nga patas-ang ang Election Watch List Areas (EWAS) sa dakbayan gikan sa yellow ngadto sa orange nga status.

Dili gusto si MCPO Director Senior Supt. Julian Entoma nga moabot pa sa sitwasyon nga pareha sa lungsod sa San Fernando nga adunay mga kinabuhi nga makalas nga may kalambigitan ang umaabot nga piniliay, ilabi na opisyal sa gobyerno o kandidato o bisan mga tigpaluyo.

Giangkon ni Entoma nga aduna silay namonitor nga presensya sa mga armadong grupo nga nagtikaw-tikaw sa siyudad sa Mandaue.

Nakadawat usab sila og taho gikan sa ilang intelligence monitoring nga anaa pay mga kauban kadtong napatay nga sakop sa Kuratong Baleleng gang sa mga bukirang barangay sa siyudad ug mga silingan nga siyudad ug sa Metro Cebu.

Nagtuo sila nga posibleng mobawos kining grupoha ngadto sa ilang kontra nga maoy nakapatay sa ilang mga kauban niadtong Septiyembre sa niaging tuig sa barangay Cubacub. Wa usab nila isalikway nga posibling gamiton kini sa mga pulitiko.

“Purpose namu ana tungod sa panghitabo sa area sa Cubacub, wherein link sila sa miyembro sa Kuratong.

Duha atong gipangandaman, it can be modugang sila og tropa dire sa atua, ilang i-exploit ang political season, kay dunay posibilidad nga other politician mo-grab sa opportunity, mo-hire nila.

Ang ilang tumong ana usahay, ang mga supporter nga magulat, mao na, di nato na ipagamay ang mga sitwasyon kay basin mabulaga lang ta,” gitug-an ni Entoma sa Superbalita Cebu.

Gipaabot ni Entoma nga maaprobahan ang iyang gi-rekomendar atol sa ilang Regional Joint Security Coordinating Council sa sunod semana.

Ug gani sayohon nila ang pagpahigayon sa Covenant signing for peaceful elections tali sa tanang kandidato sa syudad sa Mandaue nga gikatakda sa Martes sunod semana.

Apan sa dili pa madeklarar nga Orange status, matud ni Entoma, nga mas subsob ang ilang pagpahigayon og mga checkpoints diin kaduha kini himuon matag adlaw.

Gihingusgan usab ang Oplan bakal sita ug Oplan katok batok sa mga dili lisensyadong armas. Gipatutukan ang mga barangay nga boundary sa mga silingan nga lungsod ug mga bukiran sama sa Cubacub, brgy. Tawason ug nakig-alayon sila sa mga pulis sa lungsod sa Consolacion alang sa barangay Casili.

Gipasabot ni Entoma nga madeklarar nga ubos sa Orange status ang usa ka lugar kon adunay presensya sa mga armadong tawo nga mahimo magamit isip private armed groups (PAGs).

Sa niaging tuig, gipaubos usab ang dakbayan sa Mandaue sa EWAS tungod sa kainit sa mga kaatbang sa pulitika. Iyang gisanglitan ang nadawat nga hulga sa kinabuhi ni Mayor Luigi Quisumbing.

Hinuon gawas kang Quisumbing, wala nay nadawat nga report ang MCPO nga aduna pay laing kandidato sa 2019 elections sa Mandaue City nga adunay mga death threats.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph