SECTIONS
Thursday, June 20, 2019
SUPERBALITA DAVAO

2 ka Sparu nasikop

MABINI, ComVal Province – Duha ka mga miyembro sa Special Partisan Unit (Sparu) sa New People’s Army (NPA) ang naaresto didto sa Purok 6, Sityo Mampising, Barangay Tagnanan, alas 10:00 sa buntag, Lunes, Enero 28.

Ang mga dinakpan giila nga si Roaid Paguyan Reyes, 32-anyos, minyo, nagpuyo sa Purok 6, Sityo Mampising, Barangay Tagnanan, Mabini ug Kenneth Navaro, alyas Kinot, 30-anyos, ulitawo, nagpuyo sa Barangay Cuambog, Mabini, Compostela Valley.

Sumala sa pahayag sa kasundalohan, naglusad og joint intelligence operation ang 71st Infantry (Kaibigan) Battalion, Philippine Army, 2nd Compostela Valley Provincial Mobile Force Company (CVPMFC) ug Mabini Municipal Police Station diin gika-engkuwentro ang unom ka mga miyembro sa Special Partisan Unit- New People’s Army.

Mikabat sa duha ka minuto ang pinusilay diin nadakpan ang duha ka mga suspek nga mga inilang miyembro sa Guerilla Front 2, Sub Regional Committee 2, Southern Mindanao Regional Command, ubos ni Owek Navaro.

Nasakmit gikan sa mga dinakpan ang usa ka kalibre .45 nga pistola, usa ka kalibre .38 revolver, usa ka duyan, usa ka hand grenade, usa ka magazine sa kalibre .45, usa ka red time fuse, usa ka blasting cap nag dunay electrical wire, upat ka wala pa makabuto nga bala, unom ka basiyo, holster, bullet case ug usa ka backpack nga dunay drug paraphernalia.

Base sa datus sa kapulisan si Kenneth Navaro dunay warrant of arrest sa pagsupak sa Republic Act 7659, Article Number 248 o murder.

Si Lt. Colonel Esteveyn E. Ducusin, commander sa 71st Infantry Battalion, midayeg sa paningkamot sa iyang mga ginsakopan ug sa Philippine National Police (PNP) nga maaresto ang mga suspek.

Giila sa opisyal ang maong kahimoan nga bunga sa impormasyon nga gitunol sa katawhan.

Ang duha ka mga dinakpan gikustodiya sa Mabini Municipal Police Station samtang gikatakda na ang pagpasaka og kaso batok sa mga suspetsado. (Rockyben S. Catisay)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph