'Guwapa' nanindag shabu, sikop

DAW pang-beauty queen ang kaanyag sa babaye nga nasikop sa Talomo Police Station atol sa ilang gilusad nga buy-bust operation, Martes, Enero 29.

Sumala ni Chief Inspector Ronald Lao, hepe sa Talomo PNP nga duha ka managlahing drug bust operation ang ilang gihimo.

Unang nasikop mao si ang maanyag nga si Ivy (bansagon gitago), 22 anyos, dalaga, ug nagpuyo sa Talomo District Davao City.

Human nadawat sa kapulisan ang impormasyon nga mobaligya og shabu ang suspek, gilayong gikasa ang operasyon nga misangko sa pagkasikop sa dinakpan.

Nakuha sa posisyon sa suspek ang duha ka mga pakite sa gituohang shabu, cellphone nga gigamit sa transaksyon ug marked money nga mokantidad sa P900.

Human ma-post ang hulagway sa dinakpan sa social media, daghang netizens ang nasubo gumikan sa kaanyag niini nga daw beauty queen.

Sa ikaduhang buy-bust nasikop ang usa ka Louie Limbohan, kinsa napalitan og usa ka pakite sa gituohang shabu, samtang nakuha kaniya ang mga paraphernalia ug buy-bust money.

Kasong pagsupak sa Republic Act (R.A) 9165 kun Comprehensive Dangerous Drugs Act of 2002 ang ipasaka batok sa mga dinakpan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph