BOLONTARYONG nitahan ang 14 ka mga tawo nga tigbuhat og armas sa lungsod sa Carmen, Sugbo ngadto sa buhatan sa Carmen Police Station nga gipangulohan ni Chief Inspector Junnel Caadlawon sa Miyerkules, Enero 30.
Nakaamgo ang maong mga surrenderer nga sa ilang panginabuhian bugti ang kinabuhi sa usa ka tawo ilabi na nga ang illegal nga paggama og armas maoy sagad gamiton sa mga gun-for-hire ug ubang illegal nga binuhatan.
Matod ni Caadlawon ilang gihangop ang surrenderers.
Ang lungsod maningkamot nga makahatag og alternatibo nga livelihood program ngadto kanila.
Ang ilang pagtahan natukma usab sa pagpatuman sa gunban sa Commission on Elections (Comelec).
Panahon sa eleksyon, mokusog sab ang pinalitay sa ilegal nga mga armas.
Dinhi sa Sugbo, mas naila ang Danao City sa pagpanggama og paltik nga mga armas.